Í Japan hefur aldrei mælst jafn heitt eins og í sumar eins og víðsvegar. Vegna þessa hafa stjórnvöld í Tókýó neyðst til að rýmka verulega fyrir reglum varðandi klæðaburð á vinnustöðum. Sú ákvörðun hefur hins vegar hleypt af stað harðri umræðu um fagmennsku, kynjajafnrétti og persónulegt hreinlæti. Útvíkkun á hinni kunnu „Tokyo Cool Biz“ herferð, sem nú hvetur karlmenn til að mæta í stuttbuxum til að draga úr orkunotkun og koma í veg fyrir hitaslag, hefur skapað óvænta spennu á skrifstofum borgarinnar.
Í kjölfar breytinganna hefur nýtt hugtak, „Sune-hara“ (skammstöfun á ensku yfir leg hair harassment eða fótahára-áreiti), farið eins og eldur í sinu um samfélagsmiðla í Japan. Hugtakið vísar til vaxandi óánægju, einkum meðal kvenkyns samstarfsfólks, sem lýst hefur óþægindum yfir því að þurfa að horfa á berleggjaða og hærða karlmenn á faglegum vettvangi.
Nýleg könnun á vegum snyrtistofu fyrir karla sýnir að málið skiptir fólki í tvær fylkingar. Rúmlega 53,5% svarenda lýstu sig andvíg því að karlmenn klæddust stuttbuxum á skrifstofunni, og var mótstaðan mun meiri meðal kvenna en karla.
Tvöfaldir staðlar og vaxandi snyrtivörubylgja
Umræðan hefur jafnframt afhjúpað djúpstæða tvöfalda staðla á japönskum vinnustöðum. Á meðan regluverkið er rýmkað fyrir karlmenn, benda gagnrýnendur á að konum sé enn upp á lagt að fylgja ströngum útlitskröfum, þar á meðal að klæðast sokkabuxum, jafnvel í mestu hitabylgjum.
Krafan um að sýna samstarfsfólki „faglega tillitsemi“ hefur nú skilað sér í mikilli aðsókn karlmanna á snyrtistofur. Hárgreiðslustofur í Tókýó tilkynna nú um metfjölda skrifstofublóka sem leita eftir varanlegri háreyðingu á fótum til að forðast að valda árekstrum eða óþægindum á vinnustaðnum.
Ljóst er að baráttan á milli heilsufarslegrar nauðsynjar vegna loftslagsbreytinga og alda gamalla hefða um klæðaburð í japönsku viðskiptalífi er hvergi nærri lokið.
