Maðurinn sem féll í Vestari Jökulsá í Skagafirði fyrr í dag er látinn.

„Tilraunir á vettvangi til endurlífgunar báru ekki árangur og var viðkomandi úrskurðaður látinn. Ekki er unnt að greina frá nafni hins látna að svo stöddu,“ segir í tilkynningu frá Lögreglustjórans á Norðurlandi vestra en málið er í rannsókn.

Lögregla, læknir, sjúkralið og björgunarsveitir fóru á vettvang. Óskað var eftir aðstoð þyrlu Landhelgisgæslunnar sömuleiðis.

Samkvæmt lögreglu var um erlendan ferðamann að ræða.