Elías Jón Héðinsson, doktor í félags- og fjölmiðlafræði og fyrrverandi rannsóknarstjóri Árvakurs, er látinn. Morgunblaðið greinir frá andláti hans.

Elías fæddist í Reykjavík 3. apríl 1951 og ólst þar upp. Hann lauk stúdentsprófi frá Menntaskólanum í Reykjavík og nam félagsfræði við Háskóla Íslands. Framhaldsnám stundaði hann við Háskólann í Lundi í Svíþjóð þar sem hann lauk doktorsprófi.

Hann starfaði lengst af við rannsóknir og kennslu, meðal annars sem lektor við Háskóla Íslands og rannsóknarstjóri hjá Gallup og Árvakri. Elías kom að fjölmörgum rannsóknum á fjölmiðlanotkun og vinnumarkaði.

Eftirlifandi eiginkona hans er Björg Kristín Jónsdóttir og eiga þau þrjú börn, fimm barnabörn og tvö barnabarnabörn.