Lögregla var kölluð að Hammarkulletorget í Gautaborg í Svíþjóð eftir að þar fannst maður særður eftir áverka af völdum beitts áhalds.

Að sögn lögreglu fannst maðurinn við torgið og hafði hlotið áverka eftir hníf eða annað oddhvasst vopn.

Sjúkraflutningamenn hlúðu að manninum á vettvangi. Lögregla segir að hann hafi verið með meðvitund og getað tjáð sig þegar komið var að honum, en ekki liggi enn fyrir hversu alvarleg meiðsl hans eru.

Málið er rannsakað sem tilraun til manndráps og stendur nú yfir leit að geranda eða gerendum.

„Við erum að reyna að hafa uppi á þeim sem stóðu að þessu. Nú er unnið að því að ræða við vitni á svæðinu og safna tæknilegum gögnum,“ sagði lögreglumaðurinn Jens Andersson.

Ekki hefur enn verið greint frá því hvort einn eða fleiri séu grunaðir um árásina og enginn hefur verið handtekinn.