Það verður sífellt fjölbreyttara hvað Íslendingar mega heita ef marka má nýjustu úrskurði Mannanafnanefndar. Á fundi nefndarinnar síðasta föstudag fengu nokkur ný nöfn grænt ljós og rata nú inn á mannanafnaskrá.

Karlarnir mega nú meðal annars heita Sifjar, Elidon, Snjór og Jad, en öll nöfnin voru samþykkt af nefndinni. Ekki fengu þó allir umsækjendur ósk sína uppfyllta því nöfnunum Mikhael og Danivaan var hafnað að þessu sinni.

Þá er Mollý löglegt nafn hjá stelpum á Íslandi eftir að samþykki fékkst fyrir því og þá var kynhlutlausa nafnið Freyjó einnig samþykkt.

Mannanafnaskrá heldur því áfram að stækka og sum nýju nöfnin vekja eflaust bæði forvitni og umræðu við kaffiborðin landsins.