Óskar J. Sigurðsson, fyrrverandi vitavörður, er fallinn frá en mbl.is greinir frá andláti hans. Hann var 87 ára gamall.

Óskar fæddist árið 1937 á Stórhöfða. Ungur að aldri hóf Óskar að aðstoða föður sinn við veðurathuganir en hann starfaði einnig sem vitavörður. Óskar tók við starfi vitavarðar á Stórhöfða árið 1965 og sinnti því starfi til ársins 2007.

Óskar skráði nafn sitt á spjöld sögunnar en samkvæmt Heimsmetabók Guinness árið 1997 hafði enginn merkt fleiri fugla en Óskar, sem hafði þá merkt yfir 65 þúsund fugla. Hann merkti fyrsta fuglinn sinn árið 1953, sem var lundi. Hann hlaut einnig ridd­ara­kross ís­lensku fálka­orðunn­ar árið 1997 fyr­ir störf í þágu fugl­a­rann­sókna. Þá fékk hann einnig heiðursverðlaun Náttúrufræðistofnunar Íslands árið 2018 fyrir sín störf.

Óskar eignaðist son sem hét Pálmi Freyr en hann lést árið 2019.