Andrei Kartapolov, formaður varnarmálanefndar Ríkisdúmunnar í Kreml, sagði í samtali við rússneska ríkismiðilinn Parlamentskaya Gazeta að hvorki úkraínska þingið né skrifstofa forsetans í Úkraína teljist vera „ákvarðanatökumiðstöðvar“ af því tagi sem Rússland hefur hótað að ráðast á.

„Í fyrsta lagi er Verkhovna Rada (Úkraínuþing) ekki ákvörðunartökumiðstöð, rétt eins og Ríkisdúman er það ekki í Rússlandi. Þingmenn stjórna ekki hermönnum eða ákveða hvar og hvenær eigi að ráðast til atlögu,“ sagði Kartapolov.

Hann bætti við að hið sama ætti við um skrifstofu forseta Úkraínu.

„Við vitum öll að Zelensky mætir ekki þangað. Hann situr í byrgi á meðan skrifstofan hans er með tvo öryggisverði og fimm ræstingakonur. Er eitthvað vit í því að eyða dýrum vopnum í stað sem er í raun tómur?“ sagði hann og vísaði þar til Volodymyr Zelensky.

Það sem gæti talist „ákvarðanatökustöðvar,“ sagði Kartapolov, eru verndaðar stjórnstöðvar hers og öryggisþjónustu Úkraínu, þó „maður þurfi að skilja að þær eru ekki staðsettar í miðborg Kænugarðs.“

„Þetta eru faldar, vel víggirtar stöðvar. Og verkefni okkar er að finna þær og afhjúpa þær með þeim vopnum sem við höfum yfir að ráða,“ bætti hann við.