Nokkrir ísraelskir stjórnmálamenn hafa fordæmt fréttir um að ísraelskar stofnanir hafi verið settar á svartan lista Sameinuðu þjóðanna vegna ásakana um kynferðisofbeldi á átakasvæðum.

Samkvæmt frétt Al Jazeera frá í gær hafa Sameinuðu þjóðirnar meðal annars sett Fangelsismálastofnun Ísraels á lista yfir ríki og stofnanir sem sakaðar eru um kynferðisofbeldi í stríðsátökum.

Benny Gantz, fyrrverandi hershöfðingi og stjórnmálamaður í Ísrael, kallaði fréttirnar „gyðingahatur og hræsni“ og sagði Sameinuðu þjóðirnar hafa fallið í „siðferðislega blindu“.

Hann bætti við að ásakanirnar og það sem hann kallaði „rangar rógsherferðir“ gegn ísraelska hernum og stjórnvöldum myndu ekki breyta stefnu Ísraels.

Gilad Erdan, fyrrverandi sendiherra Ísraels hjá Sameinuðu þjóðunum, sagði einnig að samtökin væru „spillt og afskræmd“ og ekki hægt að ætlast til þess að þau starfi af hlutleysi.

Þá brást sendiherra Ísraels hjá SÞ einnig illa við:

„Hver sá sem getur sett Ísrael á sama lista og hryðjuverkamenn og nauðgara Hamas skortir siðferðiskennd“

Þetta kemur í kjölfar þess að Sameinuðu þjóðirnar settu Ísrael áður á svarta skrá yfir ríki sem brjóta réttindi barna í vopnuðum átökum.