Sænska ríkisstjórnin hefur ákveðið að lækka verð á mánaðarkortum í almenningssamgöngur um helming næstu sex mánuði til að draga úr áhrifum hækkandi orkukostnaðar vegna stríðsins í Miðausturlöndum. Afslátturinn tekur gildi í júlí og mun meðal annars lækka verð á mánaðarkorti í Stokkhólmi úr 1.060 sænskum krónum í um 530 krónur.

Forsætisráðherrann Ulf Kristersson sagði stjórnvöld ekki geta komið í veg fyrir allar afleiðingar stríðsins, en markmiðið væri að milda áhrifin svo sænskt efnahagslíf héldi áfram að vaxa.

Ríkisstjórnin hyggst leggja fram viðbótarfjárlög upp á 6,5 milljarða sænskra króna til að fjármagna aðgerðina. Áður hafði hún tvisvar lækkað eldsneytisskatta frá því átök hófust milli Bandaríkjanna, Ísraels og Írans í febrúar.

Stjórnarandstaðan gagnrýndi ákvörðunina harðlega og sakaði ríkisstjórnina um kosningabragð fyrir þingkosningarnar í september.