Litaðir seðlar sagðir í umferð eftir Hamraborgarránið: „Við getum ekki tjáð okkur“

Seðlar úr töskum sem var rænt úr sendi­ferða­bíl Örygg­is­mið­stöðv­ar­innar 25. mars í Hamra­borg gætu verið komnir í umferð sam­kvæmt Vísi en talið er að milli 20 til 30 millj­ónir hafi verið tösk­unum sem rænt var. Eiga þeir að hafa fund­ist meðal ann­ars á stöðum sem reka spila­kassa en pen­ingnum sem rænt var komu einmitt úr spila­kössum Vid­eo­mark­að­ar­ins.

Samkvæmt heim­ildum frétta­stofu Vísis er talið að blá lita­sprengja hafi sprungið í annarri tösk­unni og hún hafi fund­ist á víða­vangi í Mos­fellsbæ og ættu því seðl­arnir að vera merktir bláum lit. 

„Lögregla gefur á þess­ari stundu engar yfir­lýs­ingar. Við getum ekki tjáð okkur um þetta mál eins og staðan er núna,“ sagði Aðal­steinn Örn Aðal­steins­son rann­sókn­ar­lög­reglu­maður um málið.