Hopp hindraði aðgengi hreyfihamlaðra frá morgni til kvölds: „Við tökum þessu máli alvarlega“

Fyr­ir­tækið Hopp hefur þurft að sæta mik­illi gagn­rýni und­an­farin ár vegna raf­skúta sem fyr­ir­tækið leigir út og telja gagn­rýnendur að það vanti lag­ara­mma í kringum starf­semi fyr­ir­tæks­ins en sem dæmi um gagn­rýni má nefna að raf­skútur fyr­ir­tæks­ins liggi á gang­stéttum um alla borg og skapi hættu fyrir veg­far­endur, sér­stak­lega þegar snjóar.

Árið 2022 hóf fyr­ir­tækið einnig leigu á bílum, svoköll­uðum deili­bílum, og var slíkur bíll til umræðu í Facebook-hópnum „Verst lagði bíl­inn“ en þar hafði myndum af Hopp bíl verið deilt og greini­legt að honum hafi verið lagt fyrir stæði sem er ætlað fyrir hreyfi­haml­aða. Samkvæmt Erlendi Þor­steins­syni, sem tók mynd­irnar af bílnum í lok apríl, stóð bíll­inn óhreyfður í margar klukku­stundir, frá morgni til kvölds, þrátt fyrir að hann hafi látið Hopp vita af mál­inu.

Mannlíf hafði sam­band við Hopp til að spyrj­ast fyrir um hvernig væri tekið á svona málum.

„Við erum að áætla við­bragðs­tíma um 30 mín. eftir að okkur er til­kynnt um að deili­bíl sé lagður ólög­lega fer eftir umferð, stað­setn­ingu og hvernig til­kynn­ingin berst til okkar helst innan við það. Við erum búin að fara yfir málin hér inn­an­húss og finnum ekki þessa beiðni, enda hefðum við brugð­ist strax við ef hún hefði borist til okkar starfs­fólks,“ sagði Sæunn Ósk Unn­steins­dóttir, fram­kvæmda­stjóri Hopp, í skrif­legu svari til Mannlífs.

Bíllinn var óhreyfður seinni­part­inn –

Mynd: Erlendur Þor­steins­son

„Við erum að bíða eftir að þjón­ustu­verið okkar greini málin og hef ég því miður ekki fengið svar frá þeim. Mögulega var bara um mann­leg mis­tök að ræða hér hjá okkur og biðjum við inni­lega afsök­unar á því. Það stendur skýrt í skil­málum að leggja eigi deili­bíl í lög­leg stæði og not­endur muni fá sekt ef þau geri það ekki. Það gilda sömu reglur og lög um alla bíla, deili­bílar eru engin und­an­tekn­ing þótt not­endur Hopp deili­bíla þurfi ekki að hugsa um að greiða fyrir bíla­stæðin heldur gerum við það.“

En hvað um ein­stak­ling­inn sem skildi bíl­inn eftir þarna?

„Því miður þurfum við að hafa sektir og í gjald­skrá þeirra er sektin allt upp að 50.000 kr. að leggja ólög­lega eða í tíma­bundin stæði (stæði með hámarks tíma í stæði). Þar sem við erum með starfs­fólk á vakt allan sól­ar­hring­inn alla daga árs­ins eru það vinnu­reglur að við bregð­umst eins hratt við og mögu­legt er – við höfum þá frekar sam­band við not­endur heldur að láta þau greiða fyrir að draga þurfi deili­bíl­inn í burtu.

Við tökum þessu máli alvar­lega enda eru okkur umhugað um gott aðgengi fyrir okkur öll. Að leggja deili­bíl í stæði fyrir fatlað fólk eða hindra aðgengi að stæð­inu er ekki ásætt­an­legt á neinn hátt. Í raun ætti not­and­inn á deili­bílnum að þakka fyrir því hann slapp við drátt­ar­kostn­að­inn.“

Telur deilibíla mikilvæga

„Deili­bílar eru mik­il­vægur val­kostur í okkar sam­göngu­málum,“ sagði Sæunn um fram­tíð deili­bíla á Ísland „Notendur þeirra eru að nota deili­bíla í stað­inn fyrir að eiga bíl, nota deili­bíl sem bíl númer tvö eða hrein­lega nýta sér þá til að breyta sínum ferða­venjum. Sem dæmi skilja einka­bíl­inn eftir heima hoppa í vinn­una á raf­skútu eða með strætó og nota svo deili­bíl ef þau þurfa að erind­ast á vinnu­tíma. Við erum bæði með litla bíla og sendi­bíla í app­inu okkar. Einnig eru fyr­ir­tæki mikið að nota deili­bíla fyrir vinnu­tengd erindi í stað­inn fyrir að eiga og reka bíla. Deili­bílar eru ekki bara sam­göngu­mál heldur eru okkar bílar allir raf­bílar sem er stórt umhverfis og orku mál ásamt því að færri bílar eru einnig mik­il­vægt skipu­lags­mál.“