Ragnar Þór hæðist að Snorra Mássyni

Ragnar Þór Pét­urs­son kenn­ari hæð­ist að Snorra Mássyni í færslu sem hann birti í Facebook-hópnum Skóla­þró­un­ar­spjallið.

Snorri Másson, þing­maður Mið­flokks­ins mætti í Kast­ljósið í vik­unni til að ræða gegn fyr­ir­hug­uðum breyt­ingum á lögum, sem gefa fram­halds­skólum skýra heim­ild til að horfa til ann­arra þátta en ein­kunna við val á nem­endum inn í skól­ana. Guð­mundur Ingi Krist­ins­son, mennta- og barna­mála­ráð­herra leggur til þessar breyt­ingar en hann hefur sagt kerfið ósann­gjarnt. Þessu er Snorri Másson ósam­mála.

Ragnar Þór Pét­urs­son skrif­aði færslu á Skóla­þró­un­ar­spjallið á Facebook, þar sem hann hæð­ist að rök­semdum Snorra. Spyr hann meðal ann­ars hversu stóan hluta af gjald­þrotum í hrun­inu væri hægt að rekja til söng­leikja­á­herslu Verzlunarskóla Ísland.

Hér má sjá færsl­una í heild sinni.

„Þing­maður mætti í Kastljós og sagði að engum væri gerður greiði gerður að vera tek­inn inn í fram­halds­skóla á grund­velli nokk­urs ann­ars en ein­kunna. Ein­kunnir væru hið eðli­lega við­mið enda sýni þær fram á árangur í því sem und­ir­bún­ingur fyrir háskóla (les. fram­halds­skóla­nám) snýst um.

Af því til­efni velti ég fyrir mér:

Hve mörg manns­líf ætli MR hafi á sam­visk­unni vegna nema sem dróg­ust inn í Morfís þegar þeir gátu verið að stúd­era anató­míu?

Hve stóran hluta af gjald­þrotum í hrun­inu ætli megi rekja til söng­leikja­á­herslu Versló?

Ætli MH sé búið að borga þjóð­ar­bú­inu þá skuld að hafa verið fæð­ing­ar­deild Stuð­manna?“