Fjöll gefur út lagið Holur

Hljóm­sveitin Fjöll gefur í dag út nýtt lag, „Holur“, sem er fjórða lagið sem hljóm­sveitin sendir frá sér.

Samkvæmt frétta­til­kynn­ingu frá hljóm­sveit­inni er lagið Holur afslappað indírokk með óvæntum hlið­ar­skrefum og er það aðgengi­legt í tveimur útgáfum, einni alltof langri, sem er þó nákvæm­lega nógu löng, eins og það er orðað í til­kynn­ing­unni og annarri styttri.

Hljóm­sveitin und­ir­býr sig jafn­framt fyrir tón­leika, en sveitin mun spila á Lemmy að kvöldi sum­ar­dags­ins fyrsta, 24. apríl næst­kom­andi. Fjöll er nýkomin úr upp­töku­ferð til Valencia, þar sem lagður var grunnur að fyrstu stóru plötu sveit­ar­innar sem nú er í vinnslu. Bandið er því í dúnd­ur­formi og hlakkar til að kynna nýtt efni á Lemmy, segir í frétta­til­kynn­ing­unni.

Fjöll eru þeir Guð­mundur Annas Árnason söngv­ari og hljóm­borðs­leik­ari, Snorri Gunn­ars­son söngv­ari og gít­ar­leik­ari, Guð­mundur Freyr Jónasson gít­ar­leik­ari, Kristinn Jón Arnarson bassa­leik­ari og Ragnar Þór Ing­ólfs­son trommari.