Glúmur Baldvinsson
„Þetta verða löng málaferli“
Glúmur Baldvinsson
Menning

Ris og fall Krumma

Fólk

Flug­freyja afhjúpar 15 hluti sem þú ættir aldrei að taka með í flug

Innlent

Hljóð­upp­tökur komu verk­stæði í Garðabæ í koll

Innlent

„Mig bara langar ekki í saur­gerla­bað“

Fólk

Selja fal­legt fjöl­skyldu­hreiður með heitum potti og stórum garði

Heimur

Hundruð reyndu að færa fræga lista­verkið til að bjarga manni

Heimur

Sam­göngu­yf­ir­völd rann­saka hesta­ferð í stræt­is­vagni

Fólk

Átta algeng mis­tök sem gælu­dýra­eig­endur gera

Heimur

Kenn­ingar uppi um að geim­skip hafi stöðvað flug­um­ferð í Banda­ríkj­unum

Innlent

Ísland sett í frystikist­una næstu daga

Svarar ásökun um einelti með uppnefni um „hýenuhvolpa“

Gunnar Smári Egilsson telur „ung­herra“ hafa verið særða í æsku. „Magnaður“ í að „manípúlera fólk“, segir fyrr­ver­andi borg­ar­full­trúi.

Gunnar Smári
Gunnar Smári Rit­stjóri Sam­stöðv­ar­innar mætti í við­tal á stöð­inni hjá bróður sínum, til að ræða ásak­anir flokks­manna um ofríki og ein­elti. Mynd: Samstöðin/Skjáskot

„Kannski mun Sós­í­alista­flokk­ur­inn ekki lifa þetta af,“ segir Gunnar Smári Egilsson, for­maður fram­kvæmda­stjórnar Sós­í­alista­flokks Íslands og drif­fjöður í stofnun flokks­ins, í við­tali við bróður sinn á Sam­stöð­inni, sem hann rit­stýrir. Þar kvartar hann undan „hýenu­hjörð" innan flokks­ins.

Sós­í­alista­flokkur Íslands virð­ist vera klof­inn í „gríð­ar­lega flokka­drætti“ milli stuðn­ings­manna og gagn­rýnenda Gunnars Smára, eftir að for­seti ung­liða­hreyf­ingar flokks­ins, Karl Héðinn Krist­jáns­son, fræðslu- og félags­mála­full­trúi hjá Eflingu, sagði sig úr kosn­inga­stjórn flokks­ins sam­hliða ásök­unum hans á hendur Gunnari Smára um útskúfun, ein­elti og launa­þjófnað. Karl Héðinn starf­aði meðal ann­ars sem hús­vörður og sem blaða­maður á vef Sam­stöðv­ar­innar, sem heyrir undir Alþýðu­fé­lagið, sem nýtur fjár­mögn­unar Sós­í­alista­flokks Íslands.

„Hýenuhjörð" í spjallinu

Á fimmtu­dag var gagn­rýnd að kærasta Gunnars Smára hefði stýrt umræðu á Sam­stöð­inni um Karl Héðin og gagn­rýni hans. Í dag er það Gunnar Smári sjálfur sem ræðir málið við bróður sinn, þraut­reynda fjöl­miðla­mann­inn Sigurjón M. Egilsson. Nið­ur­staða Gunnars Smára í sam­tal­inu er að vanda­mál Sós­í­alista­flokks­ins sé „hýenu­hjörð" í spjalli flokks­ins á Facebook.

Það segir hann stutt umdeildri könnun innan flokks­ins, sem 15% tóku þátt í, og var sam­kvæmt þremur for­mönnum stjórna Sós­í­alista­flokks­ins, sem studdu Gunnar Smára í yfir­lýs­ingu, til marks um almenna ánægju flokks­manna.

„... þá kemur alveg hjörðin og ræðst á við­kom­andi fyrir að vera and­lýð­ræð­is­sinni.“
Gunnar Smári Egilsson, for­maður fram­kvæmda­stjórnar Sós­í­alista­flokks­ins.

„Við erum með opinn umræðu­vett­vang á Facebook, sem við höfðum verið að ræða, í kjöl­farið á könnun sem var gerð meðal flokks­manna, þá voru alvar­leg­ustu athuga­semd­irnar, sem voru almennar, voru um þetta spjall, að þar væru menn, fyrst og fremst, ekki konur, sem vaða uppi, í hvert skipti sem þú setur eitt­hvað inn er eins og þú fáir á þig svona hýenu­hjörð. Við höfðum verið að ræða það í fram­kvæmda­stjórn­inni að hver mætti bara setja inn einn status á dag og eitt komment á klukku­tíma, til að dempa umræð­una. En því miður náðum við ekki í gegn.“

Þá segir hann að þau sem gagn­rýndu að spjallið væri „lík­lega að eyði­leggja hreyf­ing­una fyrir framan hunda og manna fætur, að þá kemur alveg hjörðin og ræðst á við­kom­andi fyrir að vera and­lýð­ræð­is­sinni.“

Minni á átökin innan Eflingar

Hann segir að málið minni sig á átök innan Eflingar, þar sem gagn­rýnendur fengu „rosa­legan sess í Mogganum“ og upp­lifað sig sem „póli­tíska þátt­tak­endur“. „Sem er auð­vitað ekki, því að Mogginn er að nota þetta fólk til að koma höggi á Sós­í­alista­flokk­inn,“ útskýrði Gunnar Smári.

Gunnar Smári segir að í flokknum séu „ein­hverjir svona ung­herrar sem eflaust hafa verið særðir í upp­eld­inu af ein­elti og öðru slíku og eru mjög við­kvæmir, eru með sært egó utan á sér.“

Hann gagn­rýnir orð­færi þeirra, en bæði Karl Héðinn og Trausti Breið­fjörð Magn­ús­son, kveð­ast hafa hrökkl­ast undan fram­ferði Gunnars Smára. Sá síð­ar­nefndi var borg­ar­full­trúi flokks­ins en vék að eigin sögn vegna veik­inda og fram­komu Gunnars Smára.

„Þeir eru að nota orð­færi sem eru úr mjög alvar­legum ofbeld­is­málum gagn­vart konum. Þeir eru að tala um ofbeldi, þöggun og slíkt. Allur stíll­inn á þessu er þannig. Þannig að ég er að sömu leyti, mér finnst stundum eins og ég sé – ég vona að það hljómi ekki hroka­fullt – með hýenu­hvolpa.“

„Hvaða Twilight Zone erum við eig­in­lega komin í?“
Trausti Breið­fjörð Magn­ús­son, fyrr­ver­andi borg­ar­full­trúi Sós­í­alista­flokks­ins.

Kvartar undan dylgjum hjá Gunnari Smára

Trausti Breið­fjörð Magn­ús­son, fyrr­ver­andi borg­ar­full­trúi, gagn­rýnir orð Gunnars Smára á Facebook í dag. „Ég hef held ég aldrei orðið vitni af mann­eskju sem er jafn fær í að manípúlera fólk og Gunnar Smári gerir. Hann er magn­aður í því. Og má eiga það,“ segir Trausti.

„Hér fer þessi meist­ari með fag­mann­lega spunnar dylgjur um mig og mína æsku. Algjör fag­maður. Segist ekki hafa verið í miklum sam­skiptum við mig en full­yrðir að hann þekki mína æsku­sögu. Segir að ég sé „særður af ein­elti í upp­eldi“, sé við­kvæmur eftir þau áföll. Útvarpar þessu fyrir framan alla alþjóð.

Eftir að hafa varpað fram þessum dylgjum og rang­færslum, heldur hann áfram. Sver af sér ásak­anir um ein­elti með því að kalla mig og okkur sem sögðum frá því „gjamm­andi hýenur“ svo allir heyri. Þetta er auð­vitað besta leiðin til að jarða ásak­anir um ein­elti, með því að upp­nefna fólk og líkja því við hræætur. Gaman að sjá hversu vel það gengur að sanna frá­sögn mína um það hvernig „sam­skipti“ eru stunduð á þessum bæ.

Ofan á þetta talar meist­ar­inn sjálfur um að fólk sem lendi í ein­elti geti ekki kallað sig þolendur. Það sé ein­hvers konar sví­virða gagn­vart bar­áttu kvenna gegn ofbeldi. Það er eig­in­lega súrra­el­ískt að vera kom­inn í ein­hverja atburð­ar­rás eins og þessa, þar sem maður er sak­aður um karl­rembu fyrir að greina frá ein­elti og and­legu ofbeldi. Að Gunnar Smári sé fórn­ar­lamb karl­rembu minnar. Hvaða Twilight Zone erum við eig­in­lega komin í?“

Sigurjón M. Egilsson, bróðir Gunnars Smára, ræðir við hann um átökin í Sós­í­alista­flokknum.

Gjaldþrot með „lág upphæð“

Til við­bótar við gagn­rýni á hendur „hýenu­hjörð“ innan Sós­í­alista­flokks­ins svar­aði Gunnar Smári fyrir notkun fjár­fram­laga til stjórn­mála­flokka í útgáfu sjón­varps­stöðvar og vef­mið­ils. Þá blés hann á gagn­rýni á gjald­þrot Frétta­tím­ans, sem hann rit­stýrði og átti tæpan þriðj­ungs­hlut í. Taldi hann gjald­þrotið „eðli­legt“ í ljósi aðstæðna og að 300 millj­óna króna kröfur, sem ekki fékkst upp í, hefði talist „lág upp­hæð“ miðað við umfang útgáf­unnar. Svo hafi laun verið greidd af ábyrgð­ar­sjóði launa, auk þess sem hann hafi lánað félag­inu 5 millj­ónir króna til að greiða laun undir lokin.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ökumenn í vímu og slags­mál í mið­bænum

Gangandi vegfarandi varð fyrir bíl en slapp með minniháttar meiðsli
Skoðun
Brynjar Birgisson

Það er ekki nægur mennta­hroki á Íslandi

Brynjar Birgisson
Heimur

Ók á hóp fólks og varð tveimur að bana en sleppur við ákæru

Heimur

Fimmtán ára drengur frá Palest­ínu laus úr fang­elsi í Ísrael

Innlent

Halldóra hæf­ari en Björn og Sigríður Elsa

Pólitík

Pólitík

Inga Sæland hjólar í borg­ar­stjórn

„Hrein og klár mannvonska og borgarstjórn til ævarandi skammar“
  • Pólitík

    „Ef það má bjóða ein­hverjum bit­urð og kven­fyr­ir­litn­ingu, endi­lega lesið Moggann í dag“

  • Pólitík

    Segir fyr­ir­spurnir Guðlaugs Þórs eðli­legar en hafnar sam­an­burð­inum við Pírata

  • Pólitík

    Jódís segir Sverri snúa út úr orðum sínum

  • Pólitík

    Daði Már segir svar um fundi án for­stjóra hafa verið óná­kvæmt

  • Pólitík

    Vill stofna sann­girn­is­bóta­sjóð vegna illrar með­ferðar á börnum í vistun