Staðsetning hverfisins er einstök. Í næsta nágrenni er útivistarperlan Öskjuhlíð, með náttúru sinni, gönguleiðum og hjólareiðastígum. Miðborgin er einnig í göngufjarlægð með fjölda veitingastaða, menningu og iðandi mannlífi. Aðgengi að hverfinu er gott með öflugum stofnæðum, hjóla- og göngustígum. Einn af stærstu vinnustöðum landsins, Landspítalinn, er í göngufæri, og Háskóli Reykjavíkur og Háskóli Íslands einnig.
Náttúruperla og iðandi mannlíf í göngufæri
Íbúðirnar eru staðsettar í göngufæri við Öskjuhlíðina, Nauthólsvík og miðborgina, eftir því hvað íbúar kjósa hverju sinni. Öskjuhlíðin með einstakri náttúru, ylströndin í Nauthólsvík, gönguleiðir og hjólareiðastígar. Örlítið lengra í hina áttina er menning miðborgarinnar með iðandi mannlífi og öllum lystisemdunum.
Einstakt útsýni úr öllum íbúðum
Staðsetning hússins býður upp á einstakt útsýni úr öllum íbúðum. Góðar svalir með stálhandriði sem vísa til vesturs eru í öllum íbúðum. Vönduð gólfefni og innréttingar eru í öllum íbúðum, auk heimilistækja frá Heimilistækjum. Góð loftun er í öllum rýmum. Álhurðir og timburálgluggar eru frá Gluggasmiðjunni og viðhaldsfrítt ytra byrði er á húsinu. Með hverri íbúð fylgir stæði í bílageymslu.
Miðsvæði sem býður upp á útiveru
Húsið er byggt í kringum glæsilegt miðsvæði þar sem aðstaða verður til útiveru í rólegum og skjólgóðum garði. Á jarðhæð til suðurs verður léttur þjónustukjarni, þar sem gætu verið verslanir, kaffihús, snyrtistofa eða önnur þjónusta, þannig að mögulega verður hægt að rölta þangað á inniskónum og njóta.
Kynntu þér einstakar íbúðir
Í þessum hluta sem nú fer í sölu eru 2ja herbergja íbúðir, 51-67 fermetrar að stærð, 3ja herbergja íbúðir sem eru 77-93 fermetrar að stærð og 4ra herbergja íbúðir sem eru 97-111 fermetrar að stærð. Þessar glæsilegu íbúðir eru til sölu hjá Garðatorgi eignamiðlun og Trausta fasteignasölu. Garðatorg heldur opið hús sunnudaginn 15. september kl. 13.00-15.00, gengið er inn norðan megin á Smyrilshlíð 2 sem er gráa hornhúsið. Kynntu þér einstakar íbúðir í miðbænum með náttúruna í næsta nágrenni.
Nánari upplýsingar má finna á hlidin.is.
Texti / Ragna Gestsdóttir
Athugasemdir