„Ég þarf ekki að vera mjó til að vera ég“

Arna Vil­hjálms­dóttir kom sá og sigr­aði í keppn­inni Biggest Loser Íslands árið 2017. Síðan Arna sigr­aði keppn­ina hefur hún verið virk á sam­fé­lags­miðlum, aðal­lega á Snapchat og Instagram undir not­anda­nafn­inu arna1430.

„Markmið mitt í þessu lífi er að hjálpa fólki, sem líður jafnilla og mér leið, út úr þessu svart­nætti sem van­líðan og ofþyngd er. Þess vegna finnst mér ótrú­lega gott að hafa beinan aðgang að fólki á Snapchat, það getur spurt mig að hverju sem er og fengið ráð beint í æð,“ sagði hún í við­tali við Vikuna í byrjun árs 2018.

Arna er mik­ill tals­maður lík­ams­virð­ingar og talar opin­skátt á sam­fé­lags­miðlum um bar­átt­una sem hún hefur sjálf gengið í gegnum.

„Taktu fagn­andi á móti þér. Ég tek þeirri stað­reynd að ég stend hér ENNÞÁ, þrátt fyrir allt. Þrátt fyrir hatur, sjálfs­skaða og rúm­liggj­andi þung­lyndi. Þessi magi er minn. MINN,“ skrifar Arna meðal ann­ars í sína nýj­ustu Instagram-færslu.

„Ég þarf ekki að vera mjó til að vera ég. Útlitið mitt passar við per­sónu­leik­ann minn – hann lýsir sér eft­ir­far­andi: metn­að­ar­gjörn, keppn­is­söm, elskar íþróttir af öllu tag,“ skrifar hún í aðra.

Rit­stjórn Vikunnar mælir með að áhuga­samir fylgist með Örnu og skila­boðum hennar á Instagram.

View this post on Instagram

Dont mind the unmade bed. Vildi bara láta vita að eftir að hafa þyngst og lést VERULEGA MIKIÐ í gegnum mína stuttu ævi, þá lítur maginn minn svona út. OG HVAÐ?! Ef þú ert með eitt­hvað sem þú ert óánægð/ur með, hugs­aðu fyrst: Hvað hefur þessi lík­ami komið mér í gegnum? Á hann skilið það að ég hati hann? Ætlaru að gefa þessum hat­urs­hugs­unum vald? Nei. Taktu fagn­andi á móti þér. Ég tek þeirri stað­reynd að ég stend hér ENNÞÁ, þrátt fyrir allt. Þrátt fyrir hatur, sjálfs­skaða og rúm­liggj­andi þung­lyndi. Þessi magi er minn. MINN.

A post shared by A R N A V I L H J Á L M S (@arnavilhjalms) on Jul 11, 2019 at 5:14am PDT