Hraust og heilbrigt hár í vetur

Þvo sjaldnar

Ein algeng­ustu mis­tökin í hárum­hirðu eru að þvo hárið of oft og að nota þá of heitt vatn. Í köldu veðri verður hárið þurr­ara og það er því ekki gott að þurrka það enn frekar með of miklum þvotti. Reyndu að þvo hárið ekki oftar en þrisvar í viku og ekki hafa vatnið heit­ara en 37 gráður. Einnig er gott að nota raka­gef­andi sjampó og nær­ingu. Í lokin er snið­ugt að skola hárið upp úr köldu vatni til að halda rak­anum í hár­inu og auka gljáa.

Legðu hárblásaranum

Við höfum allar heyrt að við ættum að forð­ast að nota hár­blásar­ann um of því hit­inn getur þurrkað og skemmt hárið. Betra er að leyfa hár­inu að þorna af sjálfs­dáðum. Þá skiptir máli að þerra það með hand­klæði fyrst en alls ekki nudda hárið um of því það getur gert það úfið.

Ekki gleyma að nota hita­vörn ef þú ætlar að nota hár­blás­ara og sléttu- eða krullu­járn.

Burt með flækjur

Hárið er hvað við­kvæm­ast þegar það er rakt og því er best að bursta eða greiða það sem minnst þar til það er næstum þurrt. Einnig er gott að nota bursta sem eru sér­stak­lega hann­aðir fyrir blautt ár. Eins og nafnið gefur til kynna var Wet Brush frá HH Simonsen einmitt hann­aður til að greiða úr flókum í blautu hári en einnig má nota hann á þurrt hár. Bursta­hárin eru mjög sveigj­an­leg og leysa þannig úr flækjum án þess að toga í eða slíta hárið. Sann­kallur töfra­bursti og þarfa­þing á öllum heim­ilum hársárra ein­stak­linga.

Olíu í endana

Hvort sem þú notar hár­blás­ara eða lætur hárið þorna á eigin spýtur er mik­il­vægt að nota góðar hár­vörur.  Á vet­urna er nauð­syn­legt að nota hár­olíu til að gefa hár­inu nær­ingu og raka. Hún gerir hárið einnig slétt­ara, dregur úr raf­mögnun og gefur því gljáa. Morrocanoil er ein sú vin­sælasta sinnar teg­undar enda skilur silki­mjúk for­múlan ekki eftir sig fituga eða klístraða áferð og hana má nota bæði í blautt og þurrt hár.

Snöggt dekur

Þegar frostið er sem mest og ekk­ert annað virð­ist virka er gott að gefa sér tíma til að setja hármaska í hárið. Það gefur auka­skot af raka og nær­ingu þannig að hárið verður aftur við­ráð­an­legt. Auðvitað er lang­best að setja maska í hárið einu sinni í viku yfir vetr­ar­tím­ann, til dæmis á sunnu­dags­kvöldum.

Texti / Hildur Frið­rik­dóttir