Verslunin Curvy selur vandaðan og fallegan kvenfatnað í góðum stærðum eða frá 14-28 / 42-56 að sögn Fríðu Guðmundsdóttur, eiganda verslunarinnar. „Við erum með ótrúlega fjölbreyttan stíl og mörg merki svo að aldursbilið hjá okkur er mjög breytt, í raun frá fermingaraldri og alveg upp úr. Enda segjum við að aldur sé afstæður og þegar kemur að fatnaði þá er það meira smekkurinn sem ræður.“
Spennandi vörur komnar í hús
Nýjustu vörumerkin þessa dagana hjá Curvy eru VERO MODA CURVE og ONLY CARMAKOMA segir Fríða. „Við erum ótrúlega spenntar yfir því að fá að bjóða upp á þessi merki hjá okkur í Curvy. Fyrir utan það þá hrannast inn vorvörurnar til okkar. Því er óhætt að segja að núna er hægt að fata sig upp hjá okkur frá toppi til táar, allt frá undirfötum og sundfötum yfir í íþróttaföt, hversdags- og spariföt. Svo má ekki gleyma að nýverið byrjuðum við að bjóða upp á skó sem eru breiðari yfir fótinn og í stærri númerum en slíkar vörur hefur algjörlega vantað á hér á landi.“
Frí heimsending næstu vikur
Í ljósi aðstæðna í samfélaginu ætlar Curvy að bjóða upp á fría heimsendingu á vörum sem keyptar eru á curvy.is á meðan samkomubannið stendur yfir. „Þær sem treysta sér ekki til að panta í gegnum vefinn geta alltaf heyrt í okkur í síma 581-1552. Við höfum mikinn metnað í að bjóða upp á toppþjónustu fyrir alla landsbyggðina og erum í samstarfi við Póstinn um að koma öllum pökkum til skila fljótt og vel. Um leið eru auðvitað allar velkomnar í verslun Curvy sem er staðsett í Hreyfilshúsinu við Grensásveg í Reykjavík. Opnunartímar eru með óbreyttum hætti eða frá kl. 11-18 alla virka daga og frá kl. 11-16 á laugardögum. Svo skulum við ekki gleyma gleðinni og eru björtu litirnir í nýju vorvörunum heldur betur að lyfta andanum hjá okkur þessa dagana.“
Nánari upplýsingar á www.curvy.is.
Stúdíó Birtíngur í samstarfi við Curvy.is.
Athugasemdir