Vafraðu um Kringluna á Netinu

Kringlan í sam­starfi við Stúdíó Birtíng

Stafræn Kringla býður upp á bylt­ing­ar­kennda vöru­leit þar sem heil versl­un­ar­mið­stöð er tengd undir einum hatti. Hægt er að sækja vör­urnar í póst­box Kringl­unnar á 2. hæð til mið­nættis.

„Undir lok síð­asta árs setti Kringlan nýja staf­ræna lausn í loftið undir heit­inu Stafræn Kringla en breyt­ing­arnar snúa fyrst og fremst að því að mæta lyk­il­þörfum við­skipta­vina nútím­ans sem kalla eftir staf­rænu aðgengi að breiðu vöru­úr­vali,“ segir Aldís Eva Krist­jáns­dóttir, staf­rænn sér­fræð­ingur hjá Kringl­unni. „Með staf­rænni Kringlu er hægt að fara í versl­un­ar­ferð um Kringl­una hvenær sól­ar­hrings­ins sem er í gegnum vef­síð­una kringlan.is. Við bjóðum upp á bylt­ing­ar­kennda vöru­leit þar sem við höfum tengt heila versl­un­ar­mið­stöð undir einn hatt og hægt er að skoða yfir 100.000 vörur frá um 70 versl­unum og þeim fjölgar sífellt.“

„Við bjóðum upp á bylt­ing­ar­kennda vöru­leit þar sem við höfum tengt heila versl­un­ar­mið­stöð undir einn hatt og hægt er að skoða yfir 100.000 vörur frá um 70 versl­unum og þeim fjölgar sífellt,“ segir Aldís.

Kringlan hefur tekið fleiri staf­ræna þjón­ustu­þætti í gagnið, að hennar sögn. „Kringlu­appið okkar kom út síð­asta sumar þar sem sjá má allar upp­lýs­ingar um gild­andi til­boð í Kringl­unni hverju sinni, upp­lýs­ingar um allar versl­anir, veit­inga­staði og þjón­ustu­að­ila og hvar þau eru stað­sett í hús­inu.

Við opn­uðum síðan nýtt þjón­ustu­ver á 2. hæð þar sem póst­box Kringl­unnar eru meðal ann­ars stað­sett. Þangað geta net­versl­anir versl­ana í Kringl­unni og ann­ars staðar boðið við­skipta­vinum að sækja vörur sínar og er opið til mið­nættis.“

Einnig hafa tveir gagn­virkir leið­ar­vísar verið settir upp í Kringl­unni sem aðstoða við­skipta­vini við leit að upp­lýs­ingum um hvar versl­anir eru stað­settar, miðla helstu fréttum og til­boðum og bjóða upp á leit­ar­vél. „Við munum svo fjölga þeim um tvo á næstu mán­uðum en þeir hafa reynst við­skipta­vinum mjög vel.“

Vöruleitin algjör bylting

Að sögn Aldísar er vöru­leitin algjör bylt­ing þar sem ein versl­un­ar­mið­stöð hefur verið tengd undir einn hatt og er eins og versl­un­ar­gluggi á ver­ald­ar­vefnum. „Þar er hægt að skoða yfir 100.000 vörur frá um 70 versl­unum og fer þeim alltaf fjölg­andi, eins og fyrr segir, og hjá flestum þeirra er hægt að klára kaupin á skömmum tíma. Einnig er hægt að leita að vörum með hjálp leit­ar­orða, eftir flokkum og öðrum leiðum.“

Hægt er að leita að vörum í app­inu með hjálp leit­ar­orða, eftir flokkum og öðrum leiðum.

Hún segir tækni­lega flókið að koma úrvali Kringl­unnar á fram­færi á einum stað. „Tækni­lausnin sem við vinnum með hefur gert okkur kleift að bjóða öllum versl­unum að vera með, hvort sem þær eru með net­verslun eða ekki, stórar eða smáar. Margar versl­anir eru því að færa sig yfir á Netið í fyrsta sinn og við vinnum þessi mál mjög náið með versl­un­ar­eig­endum.“

Aldís segir stjórn­endur Kringl­unnar hafa upp­lifað mjög mikla ánægju meðal við­skipta­vina fyrir síð­ustu jól. „Þá buðum við einnig upp á aðstoð við jóla­gjafa­leit sem fór fram á „messen­ger“ og gaf hug­myndir að vörum af vefnum okkar, miðað við þær for­sendur sem við­skipta­vin­ur­inn óskaði eftir.“

Þrátt fyrir að vera afar ánægð með vöru­leit­ina segir Aldís að hún sé í stöðugri þróun. „Það er einmitt gaman að segja frá því að vef­ur­inn okkar, kringlan.is, var til­nefndur til íslensku vef­verð­launa, SVEF, nú á dög­unum.“

Aðsókn aukist síðustu daga

Nýja þjón­ustu­verið þar sem Kringlu­póst­boxið er, hefur vakið mikla lukku, að sögn Aldísar, en þangað er hægt að sækja vörur sem eru pant­aðar á Netinu og við­skipta­vinir upp­götva í gegnum kringlan.is. „Við­skipta­vinir sækja vör­urnar þegar þeim hentar, snemma á morgn­ana eða seint á kvöldin. Versl­anir í Kringl­unni hafa einnig verið mjög öfl­ugar á síð­ustu dögum og boðið upp á ókeypis heim­send­ingar. Við finnum gríð­ar­lega aukn­ingu í heim­sóknum á vef okkar og  auknum tíma sem við­skipta­vinir verja þar og und­ir­búa kaupin. Það er því óhætt að segja að í ljósi aðstæðna í sam­fé­lag­inu um þessar mundir hafi versl­unin í Kringl­unni færst mikið á vef­inn.“

„Stafræn Kringla er bara rétt að byrja,“ segir Aldís.

Fleiri breyt­ingar verða kynntar síðar á árinu, að sögn Aldísar. „Stafræn Kringla er bara rétt að byrja, tækni og öll þróun er á fljúg­andi ferð bæði í Kringlu­app­inu og á kringlan.is. Miðað við við­brögðin sem við fáum frá við­skipta­vinum er ekki spurn­ing að þessi skref eru nauð­syn­leg og við munum halda áfram að þróa staf­ræna efnið okkar og klæð­skera­sníða það fyrir við­skipta­vini okkar.“