Sigmundur Davíð hjólar í ríkisstjórnina: „Menn ekki búnir að gera sér fyllilega grein fyrir alvarleika stöðunnar“

„Miðað við kynn­ingu rík­is­stjórn­ar­innar á nýjum efna­hags­að­gerðum ótt­ast ég að menn séu ekki búnir að gera sér fylli­lega grein fyrir alvar­leika stöð­unnar. Því fyrr sem við gerum það og grípum til við­eig­andi aðgerða þeim mun árang­urs­rík­ari verða þær.“

Þetta segir Sig­mundur Davíð Gunn­laugs­son, for­maður Mið­flokks­ins, í færslu sem hann birtir á Facebook. Þar tekur hann fram að við þessar for­dæma­lausu aðstæður sem eru komnar upp í sam­fé­lag­inu vilji hann forð­ast gagn­rýni og frekar hvetja stjórn­öld til dáða. Þó verði að benda á það sem betur mætti fara.

„Þetta var kynnt sem 230 millj­arða aðgerða­pakki. En þar eru með­talin hugs­an­leg lán úr bönkum, skatt­greiðslur sem er frestað um tíma, sér­eign­ar­sparn­aður fólks osfrv.,“ skrifar Sig­mundur og vísar þar til aðgerða­pakk­ans sem rík­is­stjórnin kynnti fyrr í dag.

„Ef litið er á með­fylgj­andi mynd sést að fram­lag rík­is­ins í þessum nýju aðgerðum liggur fyrst og fremst í því sem sam­þykkt var á þing­inu í vik­unni og fram­kvæmda­á­formum sem voru meira og minna kynnt löngu áður en ástandið byrj­aði (og nú eru aukin fram­lög til sam­göngu­mála komin niður í 6 millj­arða).“

Sig­mundur segir að staðan, og það sem framundan er, kalli á mjög rót­tækar aðgerðir. „Og það verður dýr­ara að grípa ekki til þeirra í tæka tíð.“