Foreldrar trans barna gefa lítið fyrir svör Landspítalans: „Þetta veldur börnunum gríðarlegum áhyggjum“

Land­spít­al­inn sendi gær frá sér til­kynn­ingu þar sem fram kemur að þjón­usta sé enn í boði fyrir trans börn og ung­menni á barna- og ung­linga­geð­deild spít­al­ans, BUGL. For­eldrar trans barna og ung­menna segja hins vegar ekk­ert nýtt koma fram til­kynn­ingu spít­al­ans. Enn vanti starfs­fólk með fag­þekk­ingu sem geti veitt börn­unum við­eig­andi þjón­ustu og óljóst sé hvenær börn á biðlista komi til með að fá aðstoð.

„Við vitum ekki hvenær börnin sem eru á biðlista kom­ast þarna að. Það veldur börn­unum og for­eldrum þeirra gríð­ar­legum áhyggjum,“ segir María Bjarna­dóttir, móðir 15 ára trans stúlku, í sam­tali við Mannlíf.

„Það er líka stórt vanda­mál,“ segir Birna Björg Guð­munds­dóttir, móðir átta ára trans stúlku. Hún bendir á að þótt fram komi í umræddri til­kynn­ingu að þjón­ustan sé til staðar þá hafi for­eldr­arnir engu að síður veru­legar áhyggjur af því að á BUGL sé ekki lengur starfs­rækt sér­stakt trans-teymi með við­eig­andi þekk­ingu á mála­flokknum, en eins og Mannlíf greindi frá í síð­ustu viku þá hefur ekki verið kleyft að halda úti slíku teymi frá ára­mótum. Dæmi séu um að for­eldrar hafi í kjöl­farið þurft að sitja yfir börnum sínum vegna þung­lyndis, átrösk­unar eða sjálfs­vígs­hættu. „Það er ekk­ert talað um að það vanti fjár­magn, sem er stóra ástæðan,“ bendir Birna á. „Það sækir engin um þessar stöður þar sem laun­inn eru léleg.“

Velferð trans barna og unglinga í húfi

Ugla Stefanía Krist­jönu­dóttir Jóns­dóttir, for­maður Trans Íslands, segir auð­vitað frá­bært að heyra að grund­vall­ar­þjón­usta sé enn til staðar á Land­spít­al­anum. Það sé reyndar nokkuð sem hafi áður komið fram í sam­tali hennar og aðstenda trans ung­menna við for­svars­fólk BUGL. „Það er hins vegar mjög skýrt að það þarf að útbúa sér teymi sem byggir sér upp reynslu og fag­þekk­ingu á þessu sviði til að veita trans börnum og fjöl­skyldum þeirra gæða þjón­ustu sem er í sam­ræmi við fremstu verk­lags­reglur og ferla í þessum málum,“ segir Ugla.

„Það þarf því að tryggja að fjár­magn og mann­afli sé til staðar til þess að sinna þess­ari þjón­ustu, enda lög um kyn­rænt sjálf­ræði skýr hvað þetta varðar,“ bendir Ugla á og segir stjórn Trans Íslands taka þessa stöðu mjög alvar­lega. „Og við von­umst til þess að fundin verði lausn á þessu sem allra, allra fyrst, enda vel­ferð trans barna og ung­linga í húfi.“

Þess má geta að aðstendur trans barna og ung­menna hafa hafið und­ir­skrifta­söfnun til að ýta á stjórn­völd að bregð­ast við í mál­inu. Slóðina má nálg­ast hér.