„Augljóst að drukkið fólk virðir ekki fjarlægðarmörk“

„Við höfðum afskipti af nöktum mönnum, glöðum fylli­byttum, reiðum fylli­byttum, slags­málum og fleiri reiðum fylli­byttum,“ segir tals­maður lög­reglu­sam­taka á Englandi um fyrstu nótt­ina sem barir og pöbbar voru opnir eftir 105 daga lokun. Þúsundir fólks flykkt­ust á bar­ina og stóð gleðin framundir morgun víð­ast hvar. Engin meiri háttar atvik komu þó til kasta lög­reglu og sjúkra­flutn­inga­menn og starfs­fólk slysa­varð­stofa varð ekki vart við aukið álag, eins og búist hafði verið við.

Lög­reglan segir lang­flesta hafa hegða sér vel og þakkar fólki fyrir að sýna ábyrgð í þessum aðstæðum. „Það er þó aug­ljóst að drukkið fólk getur ekki eða vill ekki virða fjar­lægð­ar­mörk,“ sagði tals­maður lög­regl­unnar, en fjar­lægð­ar­mörk á Englandi eru enn tveir metrar.

Vín­veit­inga­staðir í Skotlandi og Wales eru enn lok­aðir, en á Norður Írlandi voru pöb­b­arnir opn­aðir á föstu­dag­inn.