Alexandra getur ekki hitt dóttur sína vegna Covid: „Æfingin getur beðið!“

Alex­andra Ýr Þor­steins­dóttir, móðir sjö ára gam­allar stúlku, hefur ekki getað hitt dóttur sína í fjórar vikur. Litla stúlkan er smituð af Covid og er föst í ein­angrun með öðrum fjöl­skyldu­með­limum. Alexöndru finnst mjög erfitt að geta ekki knúsað stelpuna sína og telur ljóst að Íslend­ingar hljóti að geta beðið með að fara í rækt­ina.

Opnun lík­ams­rækt­ar­stöðva er ástæða þess að Alex­andra á erfitt með að sitja á sér. Unga dóttir hennar smit­að­ist einmitt í hópsmiti útfrá lík­ams­rækt­ar­stöð. „Þetta er Tinna Valdís, litla 7 ára mömmu­stelpan mín. Hún getur ekki hitt mömmu sína í 4 vikur, getur ekki knúsað mömmu sína, bróðir sinn og voffann sinn og enn 9 dagar eftir. Hún er Covid smituð og er föst í ein­angrun ásamt 5 öðrum smit­uðum fjöl­skyldu­með­limum sínum.
Smit sem má rekja til hópsmits í lík­ams­rækt­ar­stöð. Ein lík­ams­rækt­ar­stöð, 55 smit og um 240 manns í sótt­kví eða ein­angrun í kjöl­farið,“ segir Alex­andra.

Alex­andra Ýr Þor­steins­dóttir

Vegna smit­hætt­unnar á lík­ams­rækt­ar­stöðvum biðlar Alex­andra til sam­landa sinna að bíða aðeins með rækt­ina í nokkrar vikur á meðan þriðja bylgjan gengur yfir. Þannig sýni þjóðin ábyrgð, sam­stöðu og skyn­semi. Skemmst er frá því að segja að heitar umræður hafa skap­ast um málið á Facebook-síðu Alexöndru. „Áður en þið hlaupið til og reimið á ykkur æfing­ar­skóna, langar mig að biðja ykkur að hugsa ykkur tvisvar um og hugsa hvort þessi æfing sé þess virði að eitt­hvað barn þarna úti og heilu fjöl­skyld­urnar smit­ist, þín fjöl­skylda, litla frænka eða frændi, amma og afi, mamma og pabbi muni smit­ast bara því að þú gast ekki beðið með að fara á æfingu. Ég óska engu for­eldri að þurfa að vera heilar 4 vikur í burtu frá barn­inu sínu eins og ég hef þurft að gera. Æfingin getur beðið,“ segir Alex­andra.