Ekki gaman að byrja árið á því að klikka á einhverju

Rögn­valdur Ólafsson, aðstoð­ar­yf­ir­lög­reglu­þjónn hjá almanna­vörnum, varð þjóð­þekktur á einni nóttu þegar hann leysti Víði Reyn­is­son af á upp­lýs­inga­fundum þrí­eyk­is­ins marg­fræga. Hann seg­ist eig­in­lega vera hættur að strengja sér­stök ára­móta­heit, enda hafi honum hætt til að hafa þau ansi háleit og því oft­ast sprungið á limm­inu.

„Ég held ég hafi ekki strengt sér­stök ára­móta­heit lengi,“ segir Rögn­valdur spurður hvort hann ætli að strengja ára­móta­heit í ár. „Á þessu ári ákváðum við konan mín að gera meira saman með strák­unum okkar og nýta helg­arnar enn betur til úti­vistar. Það hefur nokkurn veg­inn gengið eftir og við verið nokkuð dug­leg að þvæl­ast um fjöll og firn­indi í grennd við okkur. Ég stefni að því standa mig enn betur í því á næsta ári þannig að það getur kannski flokk­ast undir ára­móta­heit.“

Ertu vanur að strengja áramótaheit?

„Ég hef stundum gert það en þegar ég var ungur maður þá kom það fyrir að þau voru mjög háleit og ekki endi­lega raun­hæf,“ segir Rögn­valdur og brosir. „Ekki gaman að byrja árið á því að klikka á ein­hverju þannig að ég er eig­in­lega hættur því. Set frekar önnur mark­mið á tíma sem henta mér betur. Samkvæmt minni reynslu þá eru ára­mótin ekki endi­lega besti tím­inn í að gera miklar breyt­ingar.“

Hvaða aðferð gefst best til að standa við heitin samkvæmt þinni reynslu?

„Ef þau eru nógu skemmti­leg og spenn­andi þá er þetta lítið mál,“ full­yrðir Rögn­valdur. „Getur verið erfitt þegar þetta er eitt­hvað sem þig langar ekki endi­lega til að gera. Líka klass­ískt að skrifa þau niður og að þau séu mæl­an­leg með ein­hverjum hætti. Einnig er gott að setja minni vörður á leið að mark­mið­inu. Gott að sjá árangur og að geta verð­launað sig á leið­inni að mark­mið­inu.“