„Það er aðeins erfitt þegar maður er öðruvísi“

Fimm ára gömul flutti Hulda Kristín Kol­brún­ar­dóttir til Stokks­eyrar frá Reykja­vík. Segist hún ekki hafa blómstrað í félags­líf­inu til að byrja með, en hún lagði hart að sér í skól­anum. „Það er aðeins erfitt þegar maður er öðru­vísi en hinir krakk­arnir, ég var ekk­ert vin­sæl eða neitt þannig í skól­anum,“ segir hún.  „En ég hugs­aði mjög mikið um námið og fór upp um bekk,“ segir Hulda Kristín Kol­brún­ar­dóttir í þætt­inum Fram og til baka á Rás 2.

Hin blá­hærða Hulda Kristín er með­limur Gagna­magns­ins eins og flestum er kunn­ugt. Hulda er ekki nema 24 ára gömul, en hefur þó ansi mikla reynslu að baki innan tón­list­ar­geirans.

Sem ung­lingur var Hulda mik­ill aðdá­andi Kiriyama Family, sem henni var svo síðar boðið að ger­ast með­limur í. Hún tók þátt í Mús­íktil­raunum með þáver­andi hljóm­sveit sinni, Aragrúa. Þau lentu í öðru sæti, en Hulda hlaut líka söngv­ara­verð­laun keppn­innar.

Að lok­inni keppn­inni hringir svo Bassi Ólafsson, trommu­leik­ari Kiryama Family, sem horft hafði á keppn­ina og bauð henni að vera með í hljóm­sveit­inni.
„Hann spurði hvort ég vildi vera með, litla stelpan, og ég bara: Vá, stóra hljóm­sveitin vill hafa mig með.“ En hún segir að strax á fyrstu æfingu sinni með Kiryama hafi þetta smollið saman.

Það var svo árið 2017 sem Daði sendi Huldu skila­boð og spurði hana hvort hún væri til í að taka þátt í Eurovision-atriði. „Ég bara: Ehh, jájá!“
En í  Fjöl­braut Suð­ur­lands sem kynnt­ist hún Daða Frey, Stefáni Hann­essyni og Árnýju, sem öll eru með­limir Gagna­magns­ins.
Fyrir fyrstu æfingar sveit­ar­innar seg­ist Hulda hafa fundið fyrir smá stressi. „Ég er rosa­lega feimin mann­eskja þannig að það að hoppa inn í grúppu var bara: Ekki fá kvíða, þetta verður allt í lagi,“ segir hún.

En seg­ist henni fljót­lega hafa farið að líða eins og heima hjá sér. „Þau eru svo slök og ynd­is­leg að þetta er bara búið að vera geggjað.“