Skotsportveiðifélag Kópavogs var í gær dæmt til að greiða fyrrverandi félagsmanni 1200 þúsund krónur í miskabætur og lögfræðikostnað vegna ólöglegrar brottvikningar hans. Í niðurstöðu Héraðsdóms Reykjaness felst fullnaðarsigur mannsins sem var rekinn úr félaginu.
Málsatvik voru þau að stjórnendur félagsins tilkynntu manninum fyrirvaralaust að hann væri rekinn úr félaginu. Skýringin var sú að hann hefði sýnt óvarkárni í meðferð óhlaðins skotvopns. Hafði skotstjóri tilkynnt stjórn um meint atvik. Skotfélagi mannsins vitnaði um að sakir hefðu verið rangar og alls ekki um óvarkárni að ræða, eins og haldið var fram. Þess utan er kveðið á um það í lögum félagsins að ekki sé hægt að reka fólk úr félaginu nema að undangenginni áminningu. Staðfest er að engin áminning hafði átt sér stað áður en stjórnin tók þá ákvörðun, 18 desember 2018, á messenger að reka manninn. Ákvörðunin ar staðfest á aðalfundi félagsins í febrúar árið 2019. Félagið nýtur opinberra styrkja.
Maðurinn krafðist afsökunarbeiðni frá félaginu og að brottvikningin yrði afturkölluð. Því var hafnað en formaður stjórnar félagsins baðst afsökunar á því að hafa valdið honum óþægindunum og viðurkenndi tillitsleysi. Sá mun hafa haldið því fram að hinn brottreknin væri „hættulegur“, án þess að rökstyðja það frekar. Gunnar Ingi Jóhannsson lögmaður sótti málið fyrir hinn brottrekna.
Í dómnum segir að stefndi skuli greiði stefnanda 200.000 krónur með vöxtum. Þá skal stefndi greiði stefnanda 1.000.000 króna í málskostnað. Niðurstaðan er áfellisdómur yfir stjórnendum félagsins sem munu hugsanlega sæta lögsókn, persónulega, vegna meintra ósanninda og óhróðurs.
Athugasemdir