Aðeins bólusettir Íslendingar geta ferðast til Bandaríkjanna – Verður AztraZeneca til vandræða?

Evr­ópu­búum og þar af leið­andi Íslend­ingum verður heim­ilt að heim­sækja Banda­ríkin frá og með byrjun nóv­em­ber. Þess má geta að Evr­ópu­búum hefur ekki verið heim­ilt að fara yfir banda­rísk landa­mæri síðan í mars í fyrra, þegar heims­far­ald­ur­inn hófst.

Eins og staðan er í dag liggur ekki fyrir nákvæm­lega hvaða dag þessi breyt­ing gengur í gildi og eins leikur vafi á því hvaða kröfur banda­rísk yfir­völd munu gera til bólu­setn­inga­vott­orða ferða­manna.

Innan Evrópu á Schengen svæð­inu hefur reglan verið sú að ein­göngu ferða­menn með bólu­efni sem fengið hefur mark­aðs­leyfi í Evrópu sleppa við sótt­kví. Ef Banda­ríkja­menn not­ast við sömu reglu þá vand­ast málin fyrir þann hóp sem fékk bólu­efni AstraZeneca.

Lyfja­eft­ir­lit Banda­ríkj­anna hefur ein­ungis gefið grænt ljós á bólu­efni Moderna, Pfizer og Johnson&Johnson, en sam­kvæmt heim­ildum frá turisti.is hafa for­svars­menn lyfja­fram­leið­and­ans AstraZeneca ekki sóst eftir sam­þykki á sínu efni vest­an­hafs.

Stór hluti Íslend­inga og ann­arra Evr­ópu­búa er hins vegar bólu­settur með AstraZeneca. Það verður þó ekki vanda­mál að sögn Anthony Fauci, sótt­varna­læknis Banda­ríkj­anna. Í við­tali við Times í Bret­landi segir hann að bólu­setn­ing með AstraZeneca ætti að verða við­ur­kennd sem full­nægj­andi vörn fyrir ferða­menn áður en landa­mærin verða opnuð í nóv­em­ber.