Glódís stendur í stríði við Fæðingarorlofssjóð: „Mér hefur liðið eins og glæpamanni“

Frá því í ágúst­mán­uði hefur Glódís Ing­ólfss­dóttir staðið í stríði við Fæð­ing­ar­or­lofs­sjóð sem neitar að sam­þykkja að hún hætti fyrr störfum vegna veik­inda tengd með­göngu. Glódís sótti um tveggja mán­aða fram­leng­ingu á orlofi vegna veik­ind­anna sem læknar hafa stað­fest og kvittað undir. Fæð­ing­ar­or­lofs­sjóður stendur fastur á sínu.

Glódís segir í sam­tali við Mannlíf frá þeirri þrauta­göngu sem hún hefur þurft að ganga í gegnum síð­ustu vikur í bar­átt­unni við Fæð­ing­ar­or­lofs­sjóð. Hún á von á barni en vegna lík­am­legra veik­inda varð hún að hætta störfum fyrr. Þá hófst hið langa stríð sem staðið hefur yfir frá því í ágúst.

„Þrátt fyrir að ég hafi vott­orð frá fæð­ing­ar­lækni sem segir nákvæm­lega hvað er að og hvers vegna ég er óvinnu­fær þá er það ekki nóg. Það þarf að skila inn alveg sér­stöku vott­orði frá fæð­ing­ar­or­lofs­sjóði og til þess að fá það fyllt út þarf að bóka tíma hjá heim­il­is­lækni,“sagði Glódís.

Þá bætir hún við að lækn­is­vott­orðið verði að vera und­ir­ritað með penna og frum­ritið sent með bréf­pósti til fæð­ing­ar­or­lofs­sjóðs.

Hún segir ferlið hafi tekið margar vikur í heild­ina en hafi hún byrjað að vinna í þessu í ágúst. Glódís segir að hún hafi verið orðin stressuð í gær en þá voru tveir dagar í að fæð­ing­ar­or­lofið átti að hefj­ast, þann fyrsta októ­ber. Hún hafi haft sam­band við fæð­ing­ar­or­lofs­sjóð til þess að kanna stöð­una.

„Þegar ég hringdi fékk ég þau svör að vott­orðið væri ekki full­nægj­andi þar sem lækn­ir­inn hafði ekki skrifað undir með penna heldur not­ast við raf­ræna und­ir­skrift líkt og allir aðrir læknar gera nú til dags. Ég átti sem­sagt að bóka nýjan tíma hjá lækni, láta gera nýtt vott­orð, passa að lækn­ir­inn HANDSKRIFI undir vott­orðið, og póst­leggja svo vott­orðið. Semsagt sama ferlið aftur, sem tekur fleiri vikur,“ sagði Glódís sem hringdi í heilsu­gæsl­una í fram­hald­inu, miður sín og áhyggju­full.

Starfs­maður heilsu­gæsl­unnar var hissa og til­kynnti henni að öll vott­orð væru gerð með raf­rænni und­ir­skrift nú til dags. Bauðst starfs­mað­ur­inn til að hafa sam­band við fæð­ing­ar­or­lofs­sjóð og kanna málið.

Hálftíma síðar hefur starfs­maður heilsu­gæsl­unnar aftur sam­band. „Eftir langar rök­ræður við starfs­menn fæð­ing­ar­or­lofs­sjóðs, til­kynnti hún mér að því miður ætli þeir ekki að gefa sig og ég þurfi því að senda nýtt vott­orð,“ segir Glódís furðu lostin og bætir við:

„Sem betur fer býðst þessi ynd­is­legi starfs­maður til að útvega nýtt vott­orð fyrir mig og láta lækn­inn kvitta án þess að ég þurfi að bóka nýjan tíma. En ég þarf samt sem áður aftur að borga fyrir í raun sama vott­orð, svo auð­vitað póst­leggja það aftur og bíða.“

Glódís segir að þetta sé ekki eina vott­orðið sem hún hafi afhent fæð­ing­ar­or­lofs­sjóði og seg­ist hún hafa staðið í enda­lausum tölvu­póst­skrifum og sím­tölum.

„Að þurfa að berj­ast við rík­is­stofnun með þessum hætti ofaná allt annað, bara til að fá greiðslu sem maður sann­ar­lega á rétt á, það er bara fárán­legt. Mér hefur í þessu ferli liðið eins og glæpa­manni sem falsar vott­orð og reynir að svíkja út pen­ing úr kerf­inu. Ég er bara fegin að þetta verður vænt­an­lega í síð­asta skiptið sem ég þarf að standa í því að eiga í sam­skiptum við þessa stofnun,“ segir Glódís að lokum.