Pirraður Þórólfur: „Ég er alltaf að segja og benda á það sama“

Þórólfur Guðnason, sótt­varn­ar­læknir er mjög svart­sýnn vegna fjölg­unar á smitum und­an­farna daga. Óttast hann álag á heil­brigð­is­kerfið og segir að nú sé á bratt­ann að sækja þegar sótt­varna­að­gerðir njóta minni stuðn­ings í sam­fé­lag­inu, þar með talið innan raða rík­is­stjórn­ar­innar.

Vísir greinir frá þessu. Alls greindust átta­tíu og fjórir með kór­óna­veiruna í gær og 13 eru inniliggj­andi. Þá er einn á gjör­gæslu. Segist Þórólfur í sam­tali við Vísi ekki vera kom­inn með plan fyrir hertar aðgerðir en að hann sé í stöð­ugu sam­bandi við sinn ráð­herra. Að hans sögn er staðan mjög við­kvæm og því seinna sem brugð­ist er við, þeim mun erf­ið­ara sé að ná smit­unum niður.

Þórólfur virð­ist nokkuð pirr­aður þegar hann heldur áfram sam­tal­inu við Vísi. „Ég er búinn að tala um þetta langan tíma og það er alltaf verið að spyrja mig um þetta sama. Ég er alltaf að segja og benda á það sama. Ýmist er það kallað hræðslu­á­róður eða maður sé ekki með hlut­ina alveg í réttu ljósi. Ég veit ekki hvað þarf til til að menn sjái þetta.“

Segist hann ekki eiga aðeins við stjórn­völd hvað þetta varðar. „Ég er að tala um fjöl­miðla til dæmis, hvernig þeir ræða um þessi mál. Almenn­ing og áhrifa­menn og stjórn­völd þar á meðal. Meðan það er ekki sam­staða um þetta og menn eru ekki að sjá að það þurfi að halda þessu á þessum nótum þá er mjög erfitt að eiga við þetta. Við erum varla fyrr búin að ná far­aldr­inum niður og ná góðri stöðu þá vilja menn hætta öllu og þá byrjar þessi leikur upp á nýtt. Staðan er bara þannig og það er bara spurn­ing hvernig tökum viljum við ná á þessu,“ segir Þórólfur.

Aðspurður hvort hann njóti ekki stuðn­ings stjórn­valda svarar hann því til að rík­is­stjórnin virð­ist ekki ein­huga í mál­inu. „Ég nýt stuðn­ings míns ráð­herra en rík­is­stjórnin heyr­ist mér ekki standa ein­huga á bak við þetta. Það er algjör­lega ljóst. Og svo stjórn­völd, margir hverjir og umræðan í fjöl­miðlum er þannig að menn eru ekki núna á þess­ari línu greini­lega, margir hverjir. Auðvitað eru margir sem sjá þetta í þessu ljósi og þá erum við alltaf að brenna okkur á þessu aftur og aftur.“

Þórólfur seg­ist vera í sam­skiptum við heil­brigð­is­ráð­herra og fleiri um stöð­una en að hann sé ekki far­inn að huga að minn­is­blaði um næstu skref. Staðan sé metin dag frá degi.