Ófremdarástand í Sælukoti: Eigandi leikskólans sagði ósatt um vitneskju sína

Rekstr­ar­stjóri og eig­andi Sælukots fór með ósann­indi í við­tali við Morg­un­blaðið í dag. Þar seg­ist hún aðeins hafa vitað af einu máli sem sneri að leik­skól­anum. Í sam­tali við Mannlíf í sept­em­ber var henni gert grein fyrir fjölda til­kynn­inga um van­trækslu og slæmar aðstæður innan leik­skól­ans, bæði frá for­eldrum og fyrr­ver­andi starfs­fólki.

Mannlíf hefur fjallað um Sælukot frá því í sept­em­ber á þessu ári. Fyrsta frá­sögnin birt­ist þann 22. Sept­em­ber þar sem móðir barns­ins sem talið er að hafi orðið fyrir kyn­ferð­is­broti steig fram og lýsti áfall­inu.
Þar á eftir komu fleiri frá­sagnir bæði frá for­eldrum og fyrrum starfs­fólks leik­skól­ans auk skýrslu frá Heil­brigð­is­eft­ir­liti Reykja­víkur. Þar kemur fram að eft­ir­fylgn­is­ferðir hafi aðeins verið farnar í eitt skipti frá árinu 2016, þrátt fyrir mörg frá­vik sem fram komu í reglu­bundnu eft­ir­liti.

Samtalið hér að neðan hefur verið þýtt en það fór fram á ensku.
Þann 29. sept­em­ber ræddi blaða­maður við rekstr­ar­að­ila Sælukots, Kumari eða Di di eins og hún kallar sig. Þar sem hún er spurð út í hin ýmsu mál í tengslum við leik­skól­ann. Þar er henni gerð grein fyrir því að fjöldi ábend­inga hafi borist blaða­manni og henni gef­inn kostur á að svara fyrir það.
Segir Kumari meðal ann­ars í sam­tal­inu að móðir barns­ins hafi hrein­lega sagt ósatt í við­tal­inu þann 22.sept­em­ber.

Þegar blaða­maður fer að spyrj­ast fyrir um fjölda starfs­fólks og barna við leik­skól­ann þró­ast sam­tal blaða­manns og Kumari svo:

Kumari: „En mig langar að spyrja þig ertu að rann­saka málið(á hún við kyn­ferð­is­brotið) eða hversu margir starfs­menn eru, hversu margir krakkar?“

Blaða­maður: „Málið og leik­skól­ann, bara ein­faldar spurn­ingar “.

Kumari: „Er fók­us­inn á barnið eða er fók­us­inn eitt­hvað annað?“

Blaða­maður: „Áherslan er alltaf barnið, þess vegna er ég að skoða þetta mál vegna þess að það eru börn sem eiga í hlut og tel ég það mik­il­væg­ast af öllu. Sagan sem móð­irin gaf mér er ekki eina sagan og langt því frá. Ég er með í kringum tutt­ugu sögur, sem inni­halda ***“

Kumari: „20 sögur í við­bót? Ég vissi það ekki“

Blaða­maður: „Ég er skoða allt, ábend­ing­arnar sem við fáum eru ekki að detta af himni ofan, þær eru frá fólki,“ og bætir við að allar hliðar máls­ins séu skoð­aðar.

 „Gerðu það,“ segir Kumari undir lok sam­tals­ins sem er til á upp­töku