Ekki stendur til að loka sölustöðvum Olís á Austurlandi, þrátt fyrir frétt Vísis þess efnis. Málið slitið úr samhengi segir framkvæmdarstjórinn.
Frosti Ólafsson, framkvæmdarstjóri Olís segir í viðtali við Austurfrétt í dag að engar breytingar séu fyrirhugaðar á sölustöðvum Olís á Austurlandi. Segir hann Vísi ekki hafa farið með rétt mál í frétt sinni. „Þetta var meira og minna slitið mjög illa úr samhengi hjá þeim en raunin er það eru engar áætlanir um að breyta neinu á Austurlandi frá því sem verið hefur.“
Í frétt Vísis var sagt að öllum verslunum Olís á landsbyggðinni yrði á næstu mánuðum breytt í afgreiðslulagera og söluskrifstofur. Þessa fullyrðingar eru sem sagt rangar.
„Í þessari ákveðnu grein er ýmislegt slitið úr samhengi og þeir ekki sýnt áhuga að leiðrétta það þrátt fyrir ábendingar þess efnis. Við erum jú að breyta hjá okkur en það fyrst og fremst skipulagsbreytingar á vörusölu til stórnotenda en ekki í smásölunni eins og lesa má út úr þessari grein Vísis. Stöðin okkar á Reyðarfirði er fyrir nokkru orðin afgreiðslu- og sölustöð og verður það áfram en það stendur ekki til að loka einu né neinu í fjórðungnum eins og gefið er í skyn,“ sagði Frosti við Austurfrétt.
Þá er það komið á hreint, engin af þeim þremur stöðvum Olís á Austurlandi mun loka.
Athugasemdir