Tveimur lögregluþjónum sagt upp störfum: Spiluðu símaleik á vinnutíma og vanræktu skyldur

Tveimur lög­reglu­þjónum í Los Angeles í Banda­ríkj­unum hefur verið sagt upp störfum vegna van­rækslu í starfi. Menn­irnir huns­uðu útkall um inn­brot á meðan þeir spil­uðu síma­leik­inn Pókemon Go sem gengur út á það að ná hinum ýmsu Pókemon verum. Atvikið átti sér stað árið 2017 en menn­irnir leit­uðu til dóm­stóla með málið og töldu upp­sagn­irnar ekki vera rétt­læt­an­legar, þeir sögð­ust þá ein­fald­lega ekki hafa heyrt í tal­stöð­inni. Upp­töku­bún­aður úr lög­reglu­bílnum sýndu þó annan veru­leika en þar heyr­ast þeir sam­mæl­ast um að hunsa útkallið til þess að halda áfram að spila leik­inn. Inn­brotið átti sér stað aðeins nokkrum metrum frá staðnum sem menn­irnir höfðu lagt bílnum, þeir sjást svo fara á hina ýmsu staði en til að ná Pókemonum í leiknum þarftu að nálg­ast þá á allskyns stöðum. Menn­irnir töp­uðu máli sínu fyrir dóm­stólum enda kom sann­leik­ur­inn fljótt í ljós.

Pókemon Go varð gríð­ar­lega vin­sæll þegar hann var gef­inn út árið 2016 en olli þó fjölda slysa, stað­fest hafa verið tvö and­lát í Banda­ríkj­unum sem eru sögð hafa tengst leiknum.