Farmurinn sem átti að fara til Úkraínu er kominn aftur til Íslands: „Hef aldrei áður lent í þessu“

Ríflega 3.000 tonnum af frosnum fiski var landað í Nes­kaups­stað nýlega. Um er að ræða varn­ing sem átti að fara til Úkraínu en flutn­ings­skip­inu var snúið við vegna inn­rásar Rússa.

„Ég er búinn að starfa hér í 40 ár og hef aldrei áður lent í þessu. Hér hefur frystum afurðum ekki verið skipað á land úr flutn­inga­skipi á þeim tíma sem ég hef starfað hér,“ segir Heimir Ásgeirs­son, yfir­verk­stjóri í frysti­geymslum Síld­ar­vinnsl­unnar (SVN) í Nes­kaup­stað í sam­tali við Aust­ur­frétt.

Um 3.300 tonnum af frosnum fiski hefur nú verið skipað aftur á land úr flutn­ings­skip­inu Silver Breeze en skip­inu var snúið til baka á leið til Odessa í Úkraínu eftir að Rússland réð­ist á landið. Ekki tókst að finna lausn á vanda­mál­inu og var skip­inu af þeim sökum snúið aftur til Íslands en það hafði leitað vars undan ströndum Skotlands.

Alls tók það sex daga að skipa farm­inum en í honum var að finna frostna loðnu, síld og mak­ríl, upp á land og inn í frysti­geymslur SVN.