Deilur innan meirihlutans í Hafnarfirði: „Málið ekki fengið efnislega meðferð í Fjölskylduráði“

Það er hiti í Hafn­ar­firði; nán­ast við suðu­mark. Og hér er um að ræða klofn­ing í meiri­hluta Sjálf­stæð­is­flokks, Fram­sókn­ar­flokks og Óháðra.

Það er stutt í sveita­stjórn­ar­kosn­ingar, en þær fara fram þann 14. maí næst­kom­andi.

Í Hafn­ar­firði hefur átt sér stað við­snún­ingur; sigur Guð­mundar Árna Stef­áns­sonar í próf­kjör­inu hefur nán­ast end­ur­nýjað Sam­fylk­ing­una í Hafn­ar­firði. Og kann­anir sem flokk­arnir í Hafn­ar­firði hafa sjálfir látið gera sýna fram á mikla fylg­is­aukn­ingu Sam­fylk­ing­ar­innar og mikið fylg­is­hrun hjá Sjálf­stæð­is­flokknum. Fram­sókn­ar­flokk­ur­inn gæti hangið inni með sinn eina mann.

Því er komin ansi hressi­leg tauga­spenna í röðum Sjálf­stæð­is­manna og Fram­sókn­ar­manna í Hafn­ar­firði; og það virð­ist sjást vel þegar skoðað er mál sem snýst um akst­urs­þjón­ustu Hópbíla og það tekju­fall sem fyr­ir­tækið telur sig hafa orðið fyrir vegna Covid 19. Þar eru Sjálf­stæð­is­menn ekki hrifnir af því sem Ágúst Bjarni Garð­ars­son (líka alþing­is­maður sem þáði eða þiggur jafn­vel enn tvö­föld laun, frá bæði ríki og bæ þrátt fyrir lof­orð um annað) lagði fram um málið –  en í fund­ar­gerð um það má lesa eft­ir­far­andi:

2011573 – Samn­ingar um sér­hæfða akst­urs­þjónstu og skóla- og frí­stunda­akstur, tekju­fall Samn­ingar um sér­hæfða akst­urs­þjón­ustu, tekju­fall. Fulltrúi Fram­sóknar og óháðra bókar eft­ir­far­andi. Fulltrúi Fram­sóknar og óháðra tekur jákvætt í erindi Hópbíla um tekju­falls­styrk. Á þessum Covid tímum hafa Hópbílar haldið úti góðri og sam­felldri þjón­ustu. Hópbílar hafa, eins og svo mörg önnur fyr­ir­tæki, orðið fyrir tekju­falli vegna far­ald­urs­ins. Mik­il­vægt er að bregð­ast við, eins og víða hefur verið gert, til að tryggja áfram­hald­andi þjón­ustu fyrir þennan við­kvæma hóp.

Fulltrúi Fram­sókn­ar­flokks­ins í bæj­ar­stjórn er Ágúst Bjarni Garð­ars­son, sem einnig er þing­maður fyrir sama flokk, og hefur þegið tvö­föld laun – frá Hafn­ar­fjarð­arbæ fyrir setu í bæj­ar­stjórn og fjölda nefnda sem og frá Alþingi, eins og sjá má hér.

Bæjarfulltrúar Sjálfstæðisflokksins eru ekki sáttir

Helga Ing­ólfs­dóttir er einn af fimm bæj­ar­full­trúum Sjálf­stæð­is­flokks­ins, og hún er ekki sátt við afgreiðslu máls­ins. Segir meðal ann­ars:

„Ekki hafa feng­ist skýr­ingar frá for­manni bæj­ar­ráðs á for­sendum sem liggja að baki mis­mun­andi pró­sentum vegna við­bót­ar­greiðslna né nákvæmar fjár­hæðir á þeim greiðslum sem hafa verið sam­þykktar sem eru um 140 milj­ónir vegna árs­ins 2020, 2021 og 2022. Ekki liggja fyrir við­aukar fyrir hluta af þessum greiðslum. Afgreiðslur í bæj­ar­ráði varð­andi tekju­fall­styrki til verk­sala hafa verið án aðkomu eða sam­ráðs við Fjöl­skyldu­ráð sem fer með for­ræði á samn­ingi um Sérhæfða akst­urs­þjón­ustu í Hafn­ar­firði í umboði bæj­ar­stjórnar.“

Sam­ing­ur­inn sem um ræðir var gerður í mik­illi sam­vinnu við Ráð­gjaf­ar­ráð fatl­aðs fólks í Hafn­ar­firði sem áttu tvo full­trúa í starfs­hópi Fjöl­skyldu­ráðs sem und­ir­bjó útboð vegna samn­ings­ins og sem yfir­fór þjón­ustu­þörf og skoð­aði leiðir að því mark­miði að gera akst­urs­þjón­ust­una skil­virk­ari og hag­kvæm­ari en verið hafði í sam­vinnu­verk­efni um þjón­ust­una frá árinu 2015 undir yfir­um­sjón Strætó BS. Með starfs­hópnum starf­aði Inn­kaupa­stjóri Hafn­ar­fjarð­ar­bæjar og verk­fræð­ingur. Með því að skil­greina þarfir og skipu­lag þjón­ust­unnar náð­ist fram mik­il­væg hag­ræð­ing í núver­andi sam­ingi án þess að slakað væri á kröfum um gæði og það ásamt því að heima­stöð verk­sala er í Hafn­ar­firði er meg­in­á­stæða þess að hag­stæður sam­ingur var gerður milli aðila en jafn­framt sú mikla reynsla sem verk­sali býr yfir. Við­bót­ar­greiðslur vegna við­mið­un­ar­fjölda ferða eiga ekki við miðað við samn­ings­for­sendur.

Fulltrúi Sam­fylk­ing­ar­innar, Árni Rúnar Þor­valds­son bók­aði:

„Und­ir­rit­aður tekur jákvætt í erindið enda mik­il­vægt að tryggja áfram­hald­andi rekstur þess­arar mik­il­vægu þjón­ustu. Fulltrúi Sam­fylk­ing­ar­innar harmar hins vegar þau vinnu­brögð meiri­hluta Fram­sóknar- og Sjálf­stæð­is­flokks að halda fjöl­skyldu­ráði frá umræðu um málið þar til nú og taka ákvarð­anir án sam­ráðs við fjöl­skyldu­ráð í máli sem heyrir undir ráðið. Meiri­hlut­inn ber því alla ábyrgð þeim vand­ræða­gangi sem nú er kom­inn upp vegna máls­ins. Fulltrúi Við­reisnar tekur undir bókun frá full­trúa Sam­fylk­ing­ar­innar.“

Fulltrúi Sjálf­stæð­is­flokks­ins Krist­jana Ósk Jóns­dóttir bókar:

„Ég harma að málið hafi ekki fengið efn­is­lega með­ferð í Fjöl­skyldu­ráði fyrr. Og tek ekki afstöðu.“