Grunnt virðist vera á því góða í Vestmannaeyjum en fólk hefur staðið í hnútukasti sín á milli í tengslum við ferjuna Herjólf og vandræðin sem hafa komið upp þar.
Sjá einnig: Stjórn Herjólfs ohf. sagði öðrum skipstjóra upp: „Áttatíu prósent yfirmanna í skipinu eru farnir“
Málið er komið á svo alvarlegt stig að annar tveggja skipstjóra Herjólfs, Sigmar Logi Hinriksson, og eiginkona hans hafa ákveðið að fara í mál við þá sem hafa dreift skjáskoti, sem er af að því er virðist einkasamskiptum á Messenger-spjallforritinu og ætla má að sé á milli eiginkonu skipstjórans og trúnaðarvinkonu hennar. Í skjáskotinu, sem Mannlíf hefur undir höndum, segir eiginkonan að hún og maðurinn hennar séu byrjuð að taka svokallaða míkróskammta af ofskynjunarsveppum á morgnana. Þá kemur einnig fram að eiginmaðurinn sé að fara á sitt fyrsta „ferðalag“ undir handleiðslu manneskju sem er vön slíkum „ferðalögum“. Segir hún trúnaðarvinkonunni að þetta virki þannig að dagurinn verði allur jafnari og þreytan minni.
Samkvæmt heimildum Mannlífs hafa hjónin ákveðið að kæra þá sem ábyrgð bera á dreifingunni en Mannlíf veit ekki á hverju sú kæra byggist. Sigurður G. Guðjónsson hæstaréttarlögmaður hefur tekið mál hjónanna að sér. Lítur hann málið, að sögn eiginkonu skipstjórans, alvarlegum augum. Aðspurður vildi Sigurður G. ekki tjá sig um málið vegna trúnaðarskyldu við skjólstæðinga sína.
Athugasemdir