Stjórn Herjólfs ohf. sagði öðrum skipstjóra upp: „Áttatíu prósent yfirmanna í skipinu eru farnir“

Stjórn Herjólfs ohf. sagði ekki aðeins upp á dög­unum, skip­stjór­anum sem varð upp­vís að því að sigla án rétt­inda, heldur sagði einnig upp öðrum skip­stjóra Herjólfs.

Samkvæmt áreið­an­legum heim­ildum Mannlífs var öðrum skip­stjóra Herjólfs sagt upp störfum á mið­viku­dag­inn síð­ast­lið­inn. Eftir stendur því einn skipt­stóri, Sigmar Logi Hin­riks­son. Sigmar Logi sagði upp störfum á Herjólfi í jan­úar síð­ast­liðnum eftir að upp komst um brot starfs­fé­laga hans, skip­stjór­ans sem sagt var upp störfum á dög­unum. Hefur hann nú verið ráð­inn aftur sem skip­stjóri en það hefur vakið athygli sumra Eyja­manna að ungur sonur hans hafi verið ráð­inn sem fyrsti stýri­maður, fram yfir eldri og reynd­ari menn.

Sjá einnig: Skip­stjóra Herjólfs loks­ins gert að hætta – Reiknar með að þetta ger­ist ekki aftur

Skip­stjór­inn sem nú var sagt upp störfum veit ekki ástæð­una fyrir upp­sögn­inni, sam­kvæmt áreið­an­legum heim­ildum Mannlífs. Telur hann upp­sögn­ina ólög­lega því ekki komi ástæðan fram í upp­sagn­ar­bréf­inu og íhugar hann að kæra upp­sögn­ina. Samkvæmt heim­ild­ar­manni Mannlífs hefur verið afar erf­iður mórall um langt skeið um borð í Herjólfi. „Þetta er bara búið að vera hrika­legt. Alveg gríð­ar­lega erfitt og búið að vera það lengi. Það hlýtur að vera eitt­hvað að þegar starfs­manna­veltan er eins og hún er búin að vera. Áttatíu pró­sent yfir­manna í skip­inu eru farnir. Allir nema einn af þeim sem komu að smíð­inni á skip­inu eru hættir.“

Mannlíf hringdi í fram­kvæmd­ar­stjóra Herjólfs, Hörð Orra Grett­is­son til að spyrja hann út í upp­sögn­ina en hann neit­aði að tjá sig, sagð­ist ekki geta tjáð sig um starfs­manna­mál. Hann stað­festi þó við mbl.is um dag­inn að skip­stór­anum sem sigldi án starfs­leyfis, hafi verið gert að hætta.

Er Mannlíf hringdi í Sigmar Logi vildi hann aukreit­ist ekk­ert tala við blaða­mann Mannlífs.

Skipa á nýja stjórn í félag­inu næst­kom­andi fimmtu­dag.