Þorsteinn Úlfar ræktaði hamp í stofuglugganum: „Þetta var bara sjálfsvörn að skrifa þessa bók“

Nýjasti gestur bræðr­anna Gunnars og Davíðs Wiium í hlað­varps­þætt­inum Þvotta­húsið er eng­inn annar en rit­höf­und­ur­inn, afglæpasinn­inn og hampakti­vist­inn Þor­steinn Úlfar Björns­son. Hér er brot úr við­tal­inu.

Þor­steinn sem hefur gefið út ógrynni af bókum tengdum gróðri og ræktun alls­konar og ber helst að nefna bæk­urnar Villi­garð­ur­inn og Funga sem er bók um sveppi. Þátt­ur­inn í Þvotta­hús­inu fjall­aði hins­vegar um hamp­inn eða Cannabis sativa eins og hann er nefndur.

Gaf út bók í sjálfs­vörn

Þor­steinn gaf út árið 1978 bók sem bar heitið Hampur, inni og úti rækt­un­ar­leið­bein­ingar. Sú bók er orðin að vissu költ fyr­ir­bæri í heimi hampakti­vista á Íslandi enda má segja að með útgáfu þess­arar bókar hafi Þor­steinn stimplað sig inn sem vissan frum­kvöðul á þessu sviði og verið langt á undan sinni sam­tíð. 

„Bókin er bara leið­bein­ingar um það hvernig þú eigir að rækta hamp­inn. Ég átti svona Dísa-páfa­gauk á þessum tíma og hann vildi ekki borða hamp­fræin, þau urðu eftir í skál­inni. Eins og ég geri með öll fræ sem ég fæ upp í hend­urnar, þá próf­aði ég að henda þeim í mold. Og það spruttu upp þessar líka fínu plöntur, æðis­lega fal­legar og ég komst fljótt að því að þetta væru hampp­löntur. Ég viss ekki einu sinni hvaða fræ þetta voru,“ sagði Þor­steinn um til­urð bók­ar­innar Hampur, inni og úti rækt­un­ar­leið­bein­ingar. „Ég og fyrri kona mín vorum nýflutt á Flyðru­granda 4 og bjuggum sem sagt á neðstu hæð­inni og höfðum smá prí­vat garð­skika og það var ekki búið að ganga frá lóð­inni. Þegar ég var búinn að lesa mér til um þessa jurt hugs­aði ég með sjálfum mér „Ég get búið til lim­gerði í kringum þennan blett okkar úr hampi. Og það skiptir engu máli þó hann drep­ist í haust, það verða settir upp runnar næsta vor“. Svo óx þetta bara hel­víti vel og ég setti stærstu plönt­una út í stofu­glugga og það liðu ein­hverjir tveir til þrír dagar og þá var fíkni­efna­lög­reglan mætt á stað­inn. Þannig að þetta var bara sjálfs­vörn að skrifa þessa bók.“

Illgresi and­skot­ans

Nú í lok Apríl gaf hann Þor­steinn út bók­ina Illgresi and­skot­ans. Bókin er ein alls­herjar hand­bók um hamp­inn, kanabínóð­ana sem hamp­inn inni­heldur sem og sögu hamps­ins og her­ferð­inni sem fyrir aðeins um 100 árum síðan var beitt í þeim til­gangi að sverta hann og gera ólög­legan. Þeir ræddu í við­tal­inu einmitt um það hvernig upp úr ald­ar­mót­unum 1900, hags­muna­að­ilar í papp­írs­iðn­aði og bind­indispost­ular settu af stað hreyf­ingu sem svo átti eftir að vinda upp á sig og gera hamp­inn ólög­legan. Það voru alls­konar for­dómar sem beindust að Mexíkóum sem hafði mikið um það að segja.

„1906 er byrjað að and­skot­ast í hamp­inum. Og hverjir stóðu þar í fram­lín­unni? Það voru trú­ar­of­stæk­is­menn og bind­indispost­ular. Engir aðrir. Og af hverju? Jú, „hel­víts Mexík­ó­arnir sem eru að týna bómull­ina í Suð­ur­ríkj­unum, þeir vilja ekki víma sig með áfengi, þeir eru að nota kanna­bis!“ Þeir höfuð engan áhuga á að víma sig með áfengi sem þeir höfuð hvort eð er ekki efni á, þetta óx villt,“ útskýrði Þor­steinn fyrir þeim Wiium bræðrum, um upp­haf for­dómanna gegn hamp­inum.

Stál­iðn­aður, textil, plast og pappír komu sterkt inn í bar­átt­una sem sterkir hags­mun­ar­að­ilar á móti allri hamp­rækt. Í ára­tugi hefur hamp­ur­inn og hans óend­an­legu mögu­leikar ein­fald­lega legið nán­ast í dvala sökum áróð­ur­her­ferðar hins kapital­íska iðn­aðar. 

Þetta er að breyt­ast en fyrir um þremur árum varð lög­legt að flytja inn iðn­að­ar­hamp­fræ sem er lög­legt til rækt­unar, THC inni­hald plönt­unar má ekki fara upp fyrir 0,2% sem að sögn Þor­steins er auð­velt að stýra í hönnun. Þor­steinn segir að í raun séu bara um eina plöntu ræða er talað er um iðn­að­ar­hamp og svo­kall­aðan lyfja­hamp. Eini mun­ur­inn er í raun bara inn­halds­munur á THC svona að mestu leiti, svo að tala um að það sé um tvær mis­mun­andi plöntur að ræða er kannski ekki rétt heldur eigi að tala frekar um mis­mun­andi afbrigði af sömu plöntu, Cannabis Sativa.

„Iðn­að­ar­hampur er það afbrigði af Cannabis Satvia sem búið er að rækta bara með skipu­lögðum hætti og hugs­an­lega með ein­hverju genafikti, ég veit það ekki, það er að minnsta kosti búið að rækta úr henni nán­ast alla fram­leiðslu á THC,“ útskýrir Þor­steinn fyrir bræðr­unum hvað iðn­að­ar­hampur í raun er.

Þennan athygl­is­verða þátt má sjá i heild sinni á spil­ar­anum hér fyrir neðan eða heyra á flestum streym­isveitum.