Áttræður karlmaður stunginn í fætur og tá eftir að hafa kvartað undan hávaða

Í gærkveldi hlaut átt­ræður karl­maður stungu­sár á fætur og tá. Maðurinn var stung­inn af 54 ára gömlum nágranna sínum. Nágrann­arnir búa í fjöl­býl­is­húsi við Søvej í Lemvig í Danmörku. TV2.dk greindi frá.

Hafði sá eldri kvartað undan hávaða en sá yngri var að slá grasið um klukkan hálf­tíu í gær. Fannst honum klukkan full­margt fyrir jafn­há­vaða­sama athöfn og hún trufl­aði alla í stiga­gang­inum og þá sér­stak­lega barna­fjöl­skyldur.

Kvörtunin fór skakkt ofan í garð­slátt­urs­mann­inn sem tryllt­ist, öskr­aði líf­láts­hót­unum að hinum átt­ræða og hljóp að dyrum hans. Athæfi manns­ins hræddi hinn átt­ræða sem fann sig knú­inn til að mæta nágrann­anum með eld­hús­hnífi. Það kynti enn frekar undir hinum sturl­aða garð­slátt­urs­manni sem fór heim og sótti sér þrjá hnífa og skakk nágranna sinn í fætur og tá.

Hinn átt­ræði karl­maður óskaði eftir aðstoð lög­reglu. Ger­and­inn var þá horf­inn á bak og burt. Maðurinn fannst á göngu á götum bæj­ar­ins. Við hand­töku reyndi sá brjál­aði að slá til lög­reglu­mann­anna. Við hús­leit fund­ust skot­vopn og hass í fórum manns­ins.

Sjúkra­liðar gerðu að sárum fórn­ar­lambs­ins.

Maðurinn er í gæslu­varð­haldi og er ákærður fyrir morð­hót­anir og ofbeldi.