Kventónskáld í fararbroddi á tónleikum í Hörpu um helgina

Tón­list­ar­há­tíðin Seigla fer fram í Hörpu dag­ana 5.-7. ágúst næst­kom­andi.

Kammer- og söng­tón­list verða í far­ar­broddi dag­skrár hátíð­ar­innar þetta árið. Alls munu sextán flytj­endur koma fram á fimm tón­leikum í Eld­borg­ar­sal Hörpu en auk þeirra verða fluttir tvennir tón­leikar í Hörpu­horni en hinir síð­ar­nefndu verða opnir almenn­ingi án end­ur­gjalds.

Dagskrá hátíð­ar­innar má sjá hér á síðu Seiglu festi­vals og á vef­síðu Hörpu.

Snið tón­leik­anna verður með óhefð­bundnum hætti að því leyti að Salnum verður snúið við. Áhorf­endur sitja á pöllum á sviði Eld­borgar og hafa þannig sal­inn sjálfan í bak­grunni.

Upp­hafs­maður hátíð­ar­innar er Erna Vala Arn­ar­dóttir, 26 ára píanó­leik­ari hefur komið fram víða í Evrópu og Banda­ríkj­unum síð­ustu ár. Hún hefur unnið til fjölda verð­launa en þar má helst nefna heið­urs­orð­una Hvítu Rósina frá for­seta Finn­lands, Sauli Niinistö, og fyrstu verð­laun í efsta flokki EPTA píanó­keppn­innar á Íslandi.

Þá var hún ein verð­launa­hafa Ungra ein­leik­ara árið 2014. Erna Vala hefur leikið ein­leik með bæði Sin­fón­íu­hljóm­sveit Íslands og Sin­fón­íu­hljóm­sveit Áhuga­manna. Síðustu miss­eri hefur hún tekið virkan þátt í tónlist­arlífi á Íslandi, á síð­asta ári hefur hún meðal ann­ars leikið ein­leik­stónleika við Tíbrá, Menning á mið­vikudögum og Beethoven 251 tónleik­araðir Salarins í Kópavogi, verið gesta­lista­maður Við Djúpið, og leikið ein­leiks­tón­leika í Stykk­is­hólmi og Akureyri.

Hún hefur komið fram sem gesta­lista­maður ýmissa hátíða erlendis, til dæmis Arctic Ini­ti­ative í Washington D.C., Albignac Piano Festival í Frakk­landi og Trinity Laban sam­tíma­lista­há­tíðar í London. Erna Vala stofn­aði menn­ing­ar­fé­lagið Íslenska Schumannfélagið sum­arið 2020 og starfar sem for­maður þess. Erna Vala er stofn­andi og list­rænn stjórn­andi tón­list­ar­há­tíð­ar­innar Seiglu sem haldin er árlega í byrjun ágúst í Hörpu.

Erna Vala lauk meistara­gráðu í píanó­leik við Síbelí­usaraka­dem­í­una í Helsinki hjá Hömsu Juris vorið 2019. Hún hóf dokt­ors­nám sama ár við USC Thornton School of Music í Kali­forníu sem Ful­bright styrk­þegi undir hand­leiðslu Berna­dene Blaha. Áður lauk hún bakkalár­gráðu og diplóma í píanó­leik við Lista­há­skóla Íslands hjá Peter Máté.

Erna Vala nýtur lista­manna­launa um þessar mundir og næsta vor mun hún útskrif­ast með meistara­gráðu í hljóð­færa­kennslu frá Lista­há­skóla Íslands.

Í spil­ar­anum hér að neðan má svo sjá brot úr verk­inu „Hall­elu­jah Junction“ sem flutt verður á hátíð­inni.