Skipulagðir glæpahópar á bakvið netfjársvik – Komu gagngert til landsins til að svíkja fé af fólki

Hópur sem sér­hæfir sig í net­fjársvikum og pen­inga­þvætti er á bak­við fjársvikum við­skipta­vina Lands­bank­ans.

Í til­kynn­ingu frá lög­reglu­stjór­anum í Reykja­vík segir að rann­sókn Lög­regl­unnar á höf­uð­borg­ar­svæð­inu, á fjársvikum sem við­skipta­vinir Lands­bank­ans urðu fyrir í síð­asta mán­uði, miði vel. Talið er að hópur brota­manna hafi verið þar að verki. Bæði hafa verð fram­kvæmdar hand­tökur og hús­leitir í þágu rann­sókn­ar­innar en lög­reglan telur að um skipu­lagða glæp­a­starf­semi sé að ræða. Virðist sem hóp­ur­inn hafi komið til Ísland gagn­gert í þeim til­gangi að hafa af fólki fé en virð­ist hann sér­hæfður í net­fjársvikum og pen­inga­þvætti. Einn ein­stak­lingur sat í gæslu­varð­haldi í tæpar tvær vikur vegna rann­sókn­ar­hags­muna en er nú laus úr haldi lög­reglu.

Samkvæmt til­kynn­ing­unni hefur rann­sóknin leitt í ljós að upp hafi verið setta svo­kall­aðar skugga­síður í nafni Lands­bank­ans. Grun­lausir við­skipta­vinir hafi svo farið inn á síð­urnar í gegnum Google-vafr­ann og talið sig vera að tengj­ast heima­banka sínum. Hins vegar hafi fjár­mun­irnir verið milli­færðir af reikn­ingi þeirra í raun­tíma. Er tekið fram í til­kynn­ing­unni að mik­il­vægt sé að fólk hafi ætíð hug­fast að tengj­ast heima­bank­anum beint en ekki í gegnum Google-vafr­ann. Þá sé einnig gott að kynna sér net­ör­ygg­is­mál og varnir gegn netsvikum sem lög­reglan segir að hafi auk­ist mjög á und­an­förnum árum.