„Það er ekki hægt að fæðast í röngum líkama: Við erum líkamar okkar, það fæðist enginn vitlaust“

Eldur Deville seg­ist vita í hvernig umhverfi börn eru í dag; hvað börn þurfa að glíma við: Sem sé allt annar veru­leiki en þegar hann var barn:

„Þá var ekk­ert inter­net og ekk­ert TikTok eða Snapchat. Þessi pressa á börn er orðin allt önnur og sam­skipti þeirra nátt­úr­lega allt önnur heldur en þau voru,“ segir hann í flottu helg­ar­við­tali Mannlífs, og heldur áfram:

„For­eldrar þurfa að fylgj­ast með hvað börnin þeirra eru að gera á net­inu. Ef stúlka seg­ist halda að hún sé strákur, þá á að spyrja spurn­inga, svo sem, af hverju hún haldi það; mik­il­vægt er að fá barnið til að tala. Og það verður að hlusta á barnið. Ef þetta er sam­þykkt strax og sagt er við barnið að það hafi bara fæðst eitt­hvað vit­laust þá er búið að stað­festa það fyrir barn­inu, sem hefur ekki and­legan þroska, til þess að skilja þetta.“

Eldur bætir þessu við:

„Það er ekki hægt að fæð­ast í röngum lík­ama. Við eru lík­amar okkar. Það fæð­ist eng­inn vit­laust. En ef barni er talin trú um að það fædd­ist bara vit­laust þá er líka farið að brjóta niður sjálfs­mynd barns­ins, í stað­inn fyrir að leið­beina barn­inu.“

Hann leggur áherslu á að for­eldrar séu á verði og vak­andi varð­andi hvað börnin þeirra eru að gera, en segir þetta líka vera mjög mik­il­vægt:

„Vertu for­eldri barns­ins og leið­beindu því og teldu því trú um að strákar geti gert hvað sem er. Stelpur geti gert hvað sem er. Þó að stelpur vilji fara í fót­bolta og strákar vilji fara í ball­ett þá er það bara fínt. Mark­miðið með jafn­rétt­is­bar­áttu síð­ustu aldar var að brjóta niður staðalí­myndir; ekki búa til fleiri og búa til enn minni kassa utan um fólk. Ég meina; trans­konur eru karlar. Við þurfum að læra sem karl­kyns ein­stak­lingar og karlar að sam­þykkja þá líka sem karl­kyns ein­stak­linga því þeir eru af karl­kyni. Sama með konur.“