Markvörður Íslands- og bikarmeistara Vals sem og íslenska landsliðsins, Sandra Sigurðardóttir, kom í Silfrið á RÚV og segir Hún það þungt högg í magann fyrir baráttu samkynhneigðra að HM 2022 í knattspyrnu sé haldið í Katar.
Sandra segir nauðsynlegt að ræða málið opinskátt og að umræðan núna sé „verulega heit, en það þarf að ræða þetta. Það þarf að gera eitthvað í þessu,“ sagði Sandra sem á að baki 48 landsleiki fyrir Ísland.
Sandra er afar vonsvikin með FIFA, og hvernig það starfar:
„Í fyrsta lagi að taka þessa ákvörðun fyrir 12 árum að mótið verði haldið þarna. Og sé að setja stopp á ákveðna baráttu hjá fólki í heiminum, íþróttum og almennt.“
Sú ótrúlega staða er enn uppi árið 2022 að samkynhneigð er bönnuð í Katar; leikmenn landsliða sem taka þátt á HM í Katar hefur verið bannað yfirhöfuð tjá sig um málefni minni hluta hópa í Katar:
„Leikmenn á mótinu eru ósáttir. Þetta er högg í magann, fyrir þessa baráttu, að þetta sé gert svona. Að það sé verið að banna þessi í rauninni litlu atriði en samt svo stór fyrir þessa baráttu út af því það eru allir reiðir og maður sér það.
Leikmenn á mótinu eru ósáttir, en eru mikið að vanda sig að segja ekki neitt svo þeim sé ekki refsað. Ég held að í framhaldinu verði þetta til þess að baráttan verði sterkari og það veðri teknar stærri ákvarðanir hjá samböndunum í hverju landi fyrir sig og það myndist ákveðin samstaða á móti FIFA og öðrum yfirvöldum sem hafa peninga á milli handanna til að stjórna,“ sagði hinn frábæri markvörður Sandra Sigurðardóttir.
Athugasemdir