Minnst 19 látnir eftir bruna í spilavíti: „Miðað við þau lík og bein sem við sjáum, eru 19 látnir“

Minnsta kosti 19 eru látin eftir að eldur kvikn­aði í Hót­el­spila­víti í Kambódíu, við landa­mæri Tælands.

Hund­ruðir voru staddir í Grand Diamond City bygg­ing­unni í landa­manna­bænum Poipet er eldur braust út eftir klukkan 23:30 í gær­kvöldi.

Fram kemur á BBC að mynd­skeið hafi farið í dreif­ingu á sam­fé­lags­miðl­unum en þar sést fólk stökka eða falla frá efri hæðum húss­ins.

Hótelið, sem einnig er spila­víti, hefur yfir að ráða 400 starfs­fólk en margir gest­anna voru Tælend­ingar.

Mörg fórn­ar­lambanna er talið hafa verið föst á efri hæðum hót­els­ins en telja tælensku hjálp­ar­sam­tökin Ruam­katanyu Foundation, ólík­legt að nokk­urt þeirra hafi lifað af.

„Miðað við þau lík og bein sem við sjáum, eru 19 látnir,“ sagði Sek Sokhom, upp­lýs­inga­full­trúi Bateay Meanchey hér­aðs. Varaði hann við því að töl­urnar gætu hækkað.

Við­bragðs­að­ilar hafa átt í erf­ið­leikum með að ná til fólks sem fast er inni í bygg­ing­unni vegna reyks en halda áfram að leita að þeim sem saknað er.

Poipet er afar vin­sæll við­komu­staður Tælend­inga, aðal­lega vegna spila­vít­anna en slík starf­semi er að mestu bönnuð í Tælandi.

Bygg­ingin er stað­sett alveg upp við landa­mæri Tælands og af þeim sökum hafa margir þeirra slös­uðu verið sendir yfir landa­mærin til aðhlynn­ingar. Tölur um slas­aða eru mjög á reiki en tölur yfir­valda og fjöl­miðla ber ekki saman. Talið er víst að fjöld­inn skipti tugum.

Yfirvöld vinna enn að því að finna orsakir elds­voð­ans.