Rúntað á Rucio – 23. þáttur: Leonard Cohen og Miðjarðarhafið

Í upp­hafi þáttar ræðir Jón Sigurður um einmsemd þá sem fylgir því að finn­ast maður vera á skjön við sam­tíð sína. Síðan er rætt um Leonard Cohen sem á gam­als aldri átt­aði sig á því að hann hafði ekki þakkað almenni­lega fyrir sig. Hann bætti úr því þegar honum hlotn­uð­ust verð­laun Prinsins frá Astúrías árið 2011 og þakk­aði Spáni með þeim orðum að allt sem hann hafði gert á sínum ferli ætti rætur sínar að rekja til þess­arar þjóðar og jarðar. Hvað var það sem þessi þjóð gaf honum? Sú trega­fulla en fal­lega saga er rakin í þætt­inum. En söngvaskáldið hefur líka sótt meira til Mið­jarð­ar­hafs­ins því hann bjó í um ára­tug á grísku eyj­unni Hydra þaðan sem hann fór síðan með ríku­legt vega­nesti. Þeir Rucio og Jón Sigurður fá svo til sín gesti til að flytja eitt fræg­asta lag Cohens; Halelúja. Það syngur Alma Jóns­dóttir, sem um þessar mundir syngur í söng­leikjum einsog Lion King víða um Spán. Ásamt Jóni Sigurði spila undir fiðlu­snill­ing­urin Juan Ceballos og bróðir hans, hljóm­borðs­leik­ar­inn, Victor Ceballos.