Logi Bergmann, fyrrverandi starfsmaður Árvakurs, er aftur mættur á skjáinn eftir tæplega 17 mánaða fjarveru og slaufun í kjölfar ásakana um ósæmilega framkomu. Hann hefur ekki verið sýnilegur í fjölmiðlum frá því Vitalia Lazareva sagði frá því í hlaðvarpinu Eigin konur að sjónvarpsmaðurinn hefði brotið gegn blygðunarsemi sinni ásamt ástmanni hennar, Arnari Grant, á hótelherbergi í Borgarfirði. Málið varð til þess að Logi var sendur í ótímabundið frí frá útvarpsstöðinni K 100 og Morgunblaðinu í byrjun janúar. Hann hætti með mjög dramatískum hætti í miðri útsendingu á síðdegisþætti hans á K100. Seinasta viðtal hans var við athafnakonuna Lindu P. Svo hvarf hann inn í myrkur slaufunarinnar.
Ég er hins vegar sekur um að hafa farið yfir mörk
„Ég er saklaus af þeim sökum sem á mig hafa verið bornar undanfarna daga. Ég hef alla mína ævi haft andstyggð á hvers kyns ofbeldi, staðið með fórnarlömbum þess og stutt baráttu þeirra í gegnum tíðina. Ekkert er fjær mér en að þröngva annarri manneskju til kynferðislegra athafna. Ég er hins vegar sekur um að hafa farið yfir mörk í einkalífi fólks með því að hafa farið inn í herbergi sem ég átti ekki að fara inn í. Það var taktlaust og heimskulegt og ég hef þegar tjáð viðkomandi að ég taki ábyrgð á því og mér þyki það leitt,“ segir Logi í yfirlýsingu á Facebook-síðu sinni eftir að málið kom upp.
Vítalía ekki búin að kæra Loga sem kom á vinnustað hennar: „Fór bara að hágráta og hljóp á bak við“
Í gær var svo einangrun Loga rofin þegar hann birtist í Sjónvarpi Símans og hitaði upp fyrir leik Manchester United. áður hafði komið fram að Logi fékk vinnu hjá Samtökum í sjávarútvegi. Hann hefur lýst yfir sakleysi sínu af ásökunum Vítalíu sem seinna ásakaði sjónvarpsmanninn um að hafa mætt á vinnustað sinn til að spyrja spurninga um persónuleg mál hennar. Logi hefur ekkert tjáð sig um örlög sín eftir að hann lýsti yfir sakleysi sínu eftir að mál hans var opinberað.
Uppfært. Leiðrétt hefur verið að Logi Bergmann hafi verið fimm mánuði í slaufun. Hið rétta er að honum var slaufað í 17 mánuði.
Athugasemdir