Vítalía ekki búin að kæra Loga sem kom á vinnustað hennar: „Fór bara að hágráta og hljóp á bak við“

Ekki liggur enn fyrir hvort Vítalía Lazareva kæri Loga Bergmann Eiðsson fyrir að hafa brotið gegn henni á hót­el­ber­bergi í Borg­ar­firði þar sem Arnar Grant, ást­maður hennar, og Logi voru ásamt félögum sínum í golf­ferð.

Vítalía kærði Þórð Má Jóhann­es­son, Ara Edwald og Hreggvið Jónsson fyrir að brjóta gegn sér í heitum potti við sum­ar­bú­stað. Hún segir að enn liggi ekki fyrir hvað verði með mál hennar gegn Loga Berg­manni Eiðssyni, sem hún hefur sagt að hafi mis­boðið henni á hót­el­her­bergi.

Logi Bergmann mætti í des­em­ber á vinnu­stað Vítalíu Lazarevu og spurði hana hvort allt væri í lagi þeirra á milli. Hún upp­lifði að hann hefði króað sig af. Þetta var áður en við­talið við hana í þætt­inum Eigin konur kom út. Þessu greinir Vítalía frá í sam­tali við Mannlíf í dag.

Vítalía segir að Logi hafi tvisvar sinnum komið inn á vinnu­stað­inn þar sem hún starf­aði við afgreiðslu. „Í seinna skiptið sá ég hann og hann sá mig. Hann sendi stelpuna sína út í bíl og pass­aði að eng­inn væri á staðnum. Það var eng­inn annar að versla þarna. Svo spurði hann mig: „Erum við góð?“ Það er það eina sem hann sagði við mig. „Er allt í góðu hjá okkur?“ Hann sagði ekk­ert meira en það. Ég horfði á hann og sagði: „Nei.“ Þegar ég sagði nei, þá bara brotn­aði ég niður. Fór bara að hágráta og hljóp á bak­við,“ segir Vítalía.

Vítalía segir að vitni hafi verið að atburð­inum. Logi hafi verið um kyrrt í um tvær mín­útur eftir að hún hafi farið en svo yfir­gefið versl­un­ina.

Hún segir að sér hafi þótt þetta mjög óþægi­legt. Seinna í des­em­ber hafi þau Logi átt sam­skipti á Facebook þar sem hann sagð­ist vilja biðj­ast afsök­unar og fara yfir málin. Hún hafi þá sagt honum að hún kynni ekki að meta það að hann kæmi inn á vinnu­stað hennar að fara yfir per­sónu­leg mál­efni.

Logi kaus að tjá sig ekki opin­ber­lega um málið þegar blaða­maður hafði sam­band við hann.