Hvítþvottur Magnúsar

Hneyksl­is­málið með mjólk­ur­fern­urnar og Úrvinnslu­sjóð er ekki enn afstaðið. Neyt­endum var talin trú um að fern­urnar væru end­ur­unnar en nú er komið á dag­inn að þær voru fluttar til Sví­þjóðar og brenndar þar. Úrvinnslu­sjóður borg­aði brús­ann og sagð­ist Ólafur Kjart­ans­son fram­kvæmda­stjóri hafa verið í góðri trú.

Eftir að Heim­ildin upp­lýsti um blekk­ing­ar­leik­inn varð mikil umræða í fjöl­miðlum. Svo bár­ust þær fréttir að stjórn Úrvinnslu­sjóðs hefði boðið Ólafi fram­kvæmda­stjóra starfs­loka­samn­ing eða með öðrum orðum rekið hann eftir 20 ára starf með 12 mán­aða laun í fartesk­inu. Flestir sáu sam­hengi í klúðr­inu og brott­rekstri Ólafs. En þá steig Magnús Jóhann­es­son, stjórn­ar­for­maður Úrvinnslu­sjóðs, fram og sagði brott­hvarfið ekki snú­ast um afglöp sjóðs­ins og stjórn­and­ans og bar fram flókna útskýr­ingu á breyttu hlut­verki sjóðs­ins.  Skýring Magnúsar hefur valdið undrun og van­trú en á sér hugs­an­lega þær rætur að stjórn sjóðs­ins ber ábyrgð og þar með sök ekki síður en fram­kvæmda­stjór­inn. Þarna gæti verið um að ræða hvít­þvott í fram­haldi af græn­þvotti. Magnús var skip­aður af Guðmundi Inga Guð­brands­syni. þáver­andi umhverf­is­ráð­herra …