CNN greinir frá því að Sænsk yfirvöld hafi heimilað mótmælendum að brenna Kóraninn í mótmælaskyni fyrir utan mosku í Stokkhólmi. Sænsk lögregluyfirvöld segja að ákvörðunin hafi verið tekin til að virða lögbundinn rétt til málfrelsis og að af þeim stafi engin ógn við öryggi borgaranna. Í lögregluheimildinni er einnig áréttað að brennan auki líkur á hryðjuverkum og geti einnig haft áhrif á utanríkismál.
Búist er við að einn maður ásamt túlki sínum muni mæta til mótmæla en sá sem að mótmælunum stendur er Salwan Momika. Hann flutti til Svíþjóðar frá Írak fyrir fimm árum og hefur síðan öðlast sænskan ríkisborgararétt. Að eigin sögn telur Salwan sig vera trúlausan og skýrir hvatann að mótmælunum: ,,Þessi bók ætti að vera bönnuð í heiminum vegna þeirra hættu sem steðjar að lýðræði hennar vegna, siðavenja, manngildum og kvenréttindum. Hún virkar bara ekki í nútímanum.“
Mótmælin koma upp á sama tíma og Múslimskt helgihald, Eid-al-Adha.
Eldfimur gjörningur af þessu tagi er talinn líklegur til að hafa áhrif á umsókn Svíþjóðar að Evrópusambandinu þar sem utanríkisráðherra Tyrkja fordæmdi fyrr í ár atvik í Svíþjóð þar sem Kóraninn var brenndur í mótmælaskyni og lýsti gjörningnum sem glæpsamlegum og illgjörnum. Svíþjóð og Finnland sóttu um aðildir í kjölfar innrásar Rússa í Úkraínu.
Athugasemdir