Segir hælisleitendur útburðarfólk nútímans: „Hvað á fólkið að gera í örvinglan sinni?“

Björn Birg­is­son skrifar um útburð hæl­is­leit­enda á Íslandi í nýlegri Facebook-færslu og ber saman við útburði til forna.

Sam­fé­lags­rýn­ir­inn frá Grinda­vík, Björn Birg­is­son er dug­legur penni en færslur hans vekja jafnan mikla athygli en honum er fátt óvið­kom­andi. Í nýlegri færslu gerir hann útburð hæl­is­leit­enda á Íslandi að við­fangs­efni en talar hann um útburð fyrr á öldum í því sam­hengi. „Van­sköpuð börn voru gjarnan borin út, sem og fyr­ir­burar.

Fleiri stúlku­börn en drengir hlutu þessi örlög herma heim­ildir,“ skrif­aði Björn í færsl­unni og bætti við: „Nú er talað um útburð hæl­is­leit­enda og sagt frá því að ríkið ætli ekki að skipta sér frekar af því fólki.“

Í loka­orðum sínum segir Björn: „Engu er lík­ara en að rík­is­valdið ætli þessu fólki – útburð­ar­fólki nútím­ans – sömu örlög og biðu þeirra sem borin voru út fyrr á öldum.“

Hér fyrir neðan má sjá færsl­una í heild sinni:

„Útburður – þá og nú.

Fornar heim­ildir, inn­nlendar jafnt sem erlendar, greina frá útburði.Einkum barna, en einnig frá sið­venjum þar sem eðli­legt þótti að gam­alt fólk færi út í nátt­úr­una til að deyja þar.Heim­ildir eru frá Græn­landi um að konum sem voru orðnar gamlar, illa tenntar og ónýtar til hefð­bund­inna starfa við skinnin hafi verið hjálpað út á ísinn til þess eins að deyja þar.********Nokkuð er deilt um hvort útburði barna hér­lendis hafi verið hætt við kristni­tök­una árið 1000, en ýmsir fræði­menn hall­ast að því að svo hafi ekki verið.Van­sköpuð börn voru gjarnan borin út, sem og fyr­ir­burar.Fleiri stúlku­börn en drengir hlutu þessi örlög herma heim­ildir.********Nú er talað um útburð hæl­is­leit­enda og sagt frá því að ríkið ætli ekki að skipta sér frekar af því fólki.Því er hent út á götu, vænt­an­lega oft­ast án vinnu og pen­inga­lausu með öllu.Heyrst hefur af ein­hverjum úr þeirra hópi í tjöldum nærri höf­uð­borg­inni.Hvað á þetta fólk að gera?Kaupa far­miða til ann­ars lands?Enginn pen­ingur til þess.Kaupa sér fæði?Enginn pen­ingur til þess.Leigja sér hús­næði?Enginn pen­ingur til þess.Hvað á fólkið að gera í örvinglan sinni?Engu er lík­ara en að rík­is­valdið ætli þessu fólki – útburð­ar­fólki nútím­ans – sömu örlög og biðu þeirra sem borin voru út fyrr á öldum.“