98 prósent nemenda á móti sameiningu: „Fólk í valdastöðu fer með framtíð okkar eins og þeim sýnist“

Í gær var greint frá því að til stæði að sam­eina MA og VMA í einn skóla en nem­enda­fé­lag MA er gríð­ar­lega á móti slíkum áætl­unum.

Eins og Mannlíf greindi frá í gær til­kynnti Ásmundur Einar Daðason, barna- og mennta­mála­ráð­herra, frá áætlun þess að til stæði að sam­eina Mennta­skól­ann á Akureyri og Verk­mennta­skól­ann á Akureyri í einn skóla. Skóla­stjórar MA og VMA segja vera jákvæðir fyrir þess­ari sam­ein­ingu. Skóla­fé­lagið Huginn í MA sendi frá sér yfir­lýs­ingu í fram­hald­inu og segir þar að lof­orð hafa verið brotin og mik­ill meiri­hluti nem­enda sé á móti sam­ein­ingu. Hægt er að lesa yfir­lýs­ing­una hér fyrir neðan.

„Stjórn Skóla­fé­lags Hugins í Mennta­skól­anum á Akureyri er með öllu mót­fallin sam­ein­ingu MA og VMA. Í skóla­kerfi af þess­ari stærð­argráðu munu nem­endur aldrei upp­lifa sömu nánd við kenn­ara, stjórn­endur, stoðteymi eða sam­nem­endur. Nemendur eiga ekki skilið að vera lít­ill hlekkur í risa­stórri hag­ræð­ing­ar­keðju rík­is­stjórnar. Mennta­skól­inn á Akureyri er eitt virtasta mennta­setur á land­inu og hefur lengi vel verið þekktur sem skóli hefð­anna. Með sam­ein­ingu af þessum toga er vegið að öllum okkar hefðum. Nemendur sækja í MA fyrir ein­stakt félags­líf. Skólinn stendur fyrir ótelj­andi við­burðum sem fylgja MA-ingum út lífið, þar má nefna árs­há­tíð­ina, menn­ing­ar­ferð­ina, júbilanta­há­tíð­ina og margt fleira. Það er því deg­inum ljós­ara að með sam­ein­ingu myndu þessar hefðir eiga undir högg að sækja. Því spyrjum við mennta- og barna­mála­ráðu­neytið hvernig þau geta með hreinni sam­visku fleygt út um glugg­ann öllu því sem gerir skól­ann okkar ein­stakan? Er hag­ræð­ing í mennta­kerf­inu meira virði í augum ráðu­neyt­is­ins en menn­ing og saga skóla um allt land? Gefið var út í dag á vef stjórn­ar­ráðs­ins að ákvörðun liggi fyrir um sam­ein­ingu skól­anna tveggja og nú fari ferli af stað með nem­endur til hlið­sjónar. Í vor þegar fréttir bár­ust um fyr­ir­hug­aða sam­ein­ingu var nem­endum lofað, að áður en ákvörðun yrði tekin fengju nem­endur að koma sínu á fram­færi. Aðgerðir dags­ins í dag eru þvert á þau lof­orð sem mennta- og barna­mála­ráðu­neytið gaf út. Eftir að hafa lagt könnun fyrir nem­endur í Mennta­skól­anum á Akureyri eru 98% þeirra mót­fallin sam­ein­ing­unni. Við munum ekki standa aðgerð­ar­laus hjá á meðan að fólk í valda­stöðu fer með fram­tíð okkar eins og þeim sýn­ist.

Við erum fram­tíðin og við segjum nei.“